Nahume Diumvuija - MUKANDA WA MYIDI MUKULU（TSH96）

Diumvuija— Mukanda wa Nahume udi utumanyisha mudi baluishi ne bua kukuata Ninive, tshimenga tshikulu tshia bena Ashure, bavua balama bena Izrayele ku bupika. Mukanda awu bavua baufunde mu tshikondu tshia pankatshi pa tshidimu tshivua bena Ashure bakuate tshimenga tshia Tebe (663 bgbg ne Y.K.), ne tshidimu tshivua bena Babilone babutule Ninive (612 bgbg Y.K.).Mu mukanda mudi bitupa bisatu:1. Mbangilu (1.2-8): badi baleja bukole budi Mvidi Mukulu nabu: bifukibua bionsu bidi ku bumfumu buende. Yeye kabidi udi ulumbuluisha bantu.2. 1.9—2.3: Mvidi Mukulu mu tshikondu tshia Nahume, nealeje bukole buende abu, pa kubutula tshimenga tshia Ninive, ne pa kupikula bena ditunga dia Yuda.3. 2.4—3.19: badi baleja mudibu babutula Ninive, ne bonsu bavua ne bumfumu kuine aku.Mukanda wa Nahume kawena utumanyisha amu kabutu ka Ninive. Udi utulongesha kabidi ne: Mvidi Mukulu uvua mubutule tshimenga etshi, bualu tshiwa tshiuwule ne bena lutambishi, bashipianganyi, benji ba malu mabi, kabidi ne bakalenga bavua bela Mvidi Mukulu nyima mu mudimu wabu wa kulombola bantu. Nanku mukanda ewu utshidi utuvuluija tuetu bena lelu ne: bumfumu buonsu bua mushindu ewu nebujimine kashidi.