2 Bakalenga Diumvuija - MUKANDA WA MYIDI MUKULU（TSH96）

Diumvuija— Mukanda muibidi wa bakalenga udi utungunuka ne dilonda malu a mu mukanda wa kumpala wa bakalenga. Udi utulondela malu a bakalenga ba ndekelu ba mu bukalenga bua Yuda ne bua Izrayele.Tshitupa tshia kumpala tshia mukanda (1-17) tshidi tshituleja mudi bukalenga bua Izrayele bubutuka, bualu bavua babudia kudi bantu bavua bela Mvidi Mukulu nyima. Bua bakalenga aba bena tshitunu, Mvidi Mukulu udi wanyisha bua Shalmanazere, mukalenga wa bena Ashure, akuate Samariya, tshimenga tshinene tshia bena Izrayele. Ke mudi bukalenga bua ku mutu kua ditunga bujika mu tshidimu tshia 722 kumpala kua Yezu Kristu. Shalmanazere udi uya muende mu bena Ashure ne tshitupa tshia bena bukalenga bua Izrayele, bua kubabueja mu bupika. Mu tshit. 2 too ne ku tshit. 13 badi batulondela nangananga malu a muambi Elisha, mulongi kabidi mupinganyi wa muambi Eliya.Tshitupa tshibidi (18-25) tshidi tshitulondela malu a mu bidimu lukama ne makumi asatu avua bukalenga bua Yuda bushala anu nkayabu, biangatshile ku 722 too ne ku tshidimu tshia 587 bangabanga ne Yezu Kristu. Tshidimu atshi, Nebukadnesare, mukalenga wa bena Babilone udi ukuata Yerushalayime, ubutula nzubu wa Mvidi Mukulu, uya ne bantu bapiluke bonsu ba bena Yuda mu bupika muende mu Babilone (tshit. 25).