1Pikala mupele muntu wa meji,
neikale ne lumu.
Neapete muanzu mu bantu banene.
Kuanyishi muntu bua biudi umona
2Lekela kutumbisha muntu bua malu audi umona.
Kupepeji muntu bua mushindu udiye umueneka ku mesu.
3Lubulubulu ludi lukese kudi nyunyi,
kadi ludi luenza buitshi busheme bupite bionsu bia panu.
4Kuena mua kuseka muvualavi.
Kuena mua kuseka muntu udi mu dikenga.
Bualu Maweja-Nangila udi wenza malu a kukema,
kakuena muntu udi udianza kuajingulula.
5Bamfumu ba bungi mbashiye nkuasa ya bukalenga,
muntu wa tshianana udi ubapingana mu bukalenga buabu.
6Balombodi ba bungi kabatshiena ne mianzu yabu.
Bantu bavuabu banemeka mbashale bapika.
7Bangabanga kuanji kumvua mudi bualu,
ki mbimpe kuanji kububipisha.
8Lekela kuandamuna kuyi muanji kuteleja.
Lekela kupuwisha muntu patshidiye wakula.
9Lekela kutanda bua bualu budi kabuyi bukutangila.
Lekela kubuelakana mu matandu a benji ba bibi.
Bubanji ne bupele10Muananyi, kubangi malu a bungi musangu umue.
Pawikala muavudije kuena mua kuakokesha bimpe.
Nansha wewe muenze bishi, kuena mua kupeta kantu to,
kusamisha mutu ne malu nkudibutuisha.
11Kudi bantu badi bakuata mudimu, bapututuka, bapungila,
kadi kabayi bapeta tshintu tshiyuabu bipatshila.
12Bamue badi bateketa, bakeba diambuluisha,
kabayi ne bintu, bakenga amu kukenga.
Kadi Maweja-Nangila udi ubananga,
udi ubapatula mu dikenga diabu.
13Maweja-Nangila udi ubapa lumu,
bantu ba bungi bakema.
14Buimpe ne bubi,
muoyi ne lufu, bupele ne bubanji,
bionsu bidi bifumina kudi Maweja-Nangila.
17Bantu bakane badi bapeta mapa a Maweja-Nangila.
Bulenga bua Maweja-Nangila budi bubalombola kashidi.
18Bamue bantu badi banema bua kulama kua makuta, kabayi ne butulavi.
Kadi, telejayi tshidi tshibindila:
19Dituku didibu bamba ne: “Ndi mupete dikisha,
ndi mua kuya kusanka ne bindi nabi”,
diba nedikumbane, didibu kabayi belela meji,
nanku, nebafue, bashile bantu bakuabu bintu.
Maweja-Nangila udi ukudimuna malu20Suminyina mudimu webe, uwenze bimpe.
Ukulakajile amu ku mudimu webe!
21Kukemi bua dikasa dimpe didi muena malu mabi mupete.
Tekemena kudi Maweja-Nangila, unanukile mu mudimu webe.
Bualu mbitekete kudi Maweja-Nangila bua kunemesha mupele amu diakamue.
22Maweja-Nangila udi wela muntu muakane lupemba, umufuta.
Diakalenga diende didi dimueneka amu lukasa.
23Kuambi ne: Tshindi tshiyi natshi kabidi ntshinyi?
Nansha ne: tshindi kabidi mua kupeta ntshinyi?
24Kuambi ne: “Ndi ne bionsu bindi nkengela.
Dikenga mpindiewu didi mua kunkuata meme bishi?”
25Badi bapua makenga muoyi dituku dia disanka,
bapua masanka muoyi dituku dia dikenga.
26Bualu mbitekete kudi Mvidi Mukulu bua kufuta muntu,
bilondeshile malu ende, dituku dia lufu luende.
27Muntu udi upua disanka muoyi diba dia dikenga.
Mushinga wa midimu yende ivuaye mukuate,
udi umueneka dituku dia ndekelu.
28Muntu kayi muanji kufua, kuena mua kumuamba ne: mmuena diakalenga.
Badi bamanyina muntu amu ku lufu luende.
Udimukile balunda bebe29Kuena mua kuakidila muntu yonsu mu nzubu muebe,
bualu bantu badimuke badi ne budimu bua bungi.
30Muena ditambisha udi bu nyunyi wa nkuadi muela mu nsanji,
bua kulobeshabu nende nkuadi mukuabu,
udi windila diba didiye mua kukukuata.
31Udi ushintakaja bibi ku bimpe, wela masoka ende,
ujana muntu nansha yeye wenza bimpe bipite.
32Kantolentole ka kapia kadi katemesha mbabula.
Muntu mubi udi umatshisha mashi a bantu panshi.
33Umuka mu njila ya bantu babi, bualu badi bela tshitungu bua kuenzela
bantu bibi,
badi bakunyangila lumu kashidi.
34Paudi muteke muenyi ku nzubu kuebe,
udi mua kukukebela bilumbu, neakukufikishe ku mbipishilu ne ba mu nzubu muebe.
Who We AreWhat We EelieveWhat We Do
2025 by iamachristian.org,Inc All rights reserved.
