Baruke Diumvuija - MUKANDA WA MYIDI MUKULU（TSH96）
Diumvuija— Mufundi wa mukanda wa Baruke udi udileja bu mufundi wa mukanda wa Yirmeya (bu mu 590-580 bgbg ne Y.K.). Kadi mbajadike ne: Ki mbafunde mukanda ewu kumpala kua bidimu nkama ibidi bgbg ne Y.K. nansha. Nanku mufundi mmuangate amu dina dia Baruke, bua kuleja muntu udiye utangila bu mulongeshi wende. Bafundi bavule bavua benza nanku kale.Mukanda udi ne bitupa binayi bishilangane. Bidi bimueneka ne: ki mbabifunde bionsu kudi muntu umue to:1. 1.1-14 mbangilu: Badi batumanyisha muvua bantu bayua mu Babilone mu bupika batume mukanda ewu, bua bena Yuda baubadile mu Yerushalayime dituku dinene dia kutendelela Mvidi Mukulu bua kukolobola bantu.2. 1.15—2.10: ke miaku mene ya ditanda dia mibi dia dituku adi, miangate tshitupa mu Dan 9; 2.11—3.8 ditendelela mene, didi dituvuluija miaku mivule ya mu mukanda wa Mvidi Mukulu.3. 3.9—4.4: dianyina dia pa Meji.4. 4.5—5.9: diyuki dia kukolesha nadi bantu ba mu Yerushalayime ku muoyi.
