Daniyele Diumvuija - MUKANDA WA MYIDI MUKULU（TSH96）

Diumvuija— Mukanda wa Daniyele udi utulondela ne: bangabanga muvua bansongalume banayi ba bena Yuda, bavuabu baye nabu ku bupika mu Babilone kudi Nebukadnesare. Kadi mu ditunga dia bende bavua bashale kuitaba Mvidi Mukulu wabu muabu muonsu. Tshitupa tshia kumpala (bit. 1-6) tshidi ne malu asambombu mashilangane. Kadi onsu adi atuleja muvua baluishi babu bakengesha bena Yuda, babenzeja malu ku bukole, babakanyina, babanyoka. Nubale tshilejilu tshia bualu bua mpononu: Daniyele udibu bele mu tshiina tshia ntambue (tshit. 6).Mu tshitupa tshibidi (bit. 7-12), badi batulondela muvua Mvidi Mukulu uleja Daniyele malu misangu inayi, mumujinguluile mudi bena Yuda ne bua kushala ku bumfumu bua matunga mashilangane a bende, too ne ku tshikondu tshidi Mvidi Mukulu ne bua kufululula bena Yuda, kubanga bukalenga buende.Mfundilu wa mukanda ewu mmufuanangane ne wa mukanda wa Didimanyisha, wa ndekelu wa mu mikanda ya mu Ndondu mupiamupia. Mikanda yonsu ibidi eyi (wa Daniyele ne wa Didimanyisha) idi ikolesha bena ditaba ku muoyi, bua batungunuke mu njila wa ditaba, nansha munkatshi mua ntatu ne makenga bia kudi baluishi babu.