1 Tantara 3 - Malagasy Bible

Ny taranak’i Davida

1Ireto no zanakalahy naterak’i Davida tao Hebrôna: ny lahimatoa dia i Amnôna, zanakalahin’i Ahinôhama avy any Jizrehela; ny faharoa dia i Daniela, zanakalahin’i Abigaîla avy any Karmela;

2ny fahatelo dia i Absalôma, zanalahin’i Mahekà izay zanakavavin’i Talmay mpanjakan’i Gesora; ny fahefatra dia i Adônià, zanakalahin’i Hagita;

3ny fahadimy dia i Sefatià, zanakalahin’i Abitela; ny fahenina dia i Jitrehama, zanakalahin’i Heglà vadin’i Davida koa.

4Ireo enina ireo no naterak’i Davida tao Hebrôna izay nanjakany fito taona sy enim-bolana. Avy eo dia nanjaka telo amby telopolo taona tao Jerosalema i Davida.

5Ireto kosa no naterany tao Jerosalema: i Simehà sy i Sôbaba ary i Natàna sy i Salômôna, ka ity fahefatra ity no tamin’i Baty-Seba zanakavavin’i Hamiela;

6ary sivy hafa koa, dia i Jibehara sy i Elisoa, i Elpeleta

7sy i Nôga, i Nefega sy i Jafia

8mbamin’i Elisamà sy i Eliadà ary i Elifelety.

9Izy rehetra ireo no zanakalahin’i Davida, afa-tsy ny zanaky ny vadikeliny; ary i Tamara no anabavin’ireo.

10Taranak’i Salômôna: i Rehabohama zanakalahin’i Salômôna, i Abià zanakalahin-dRehabohama, i Asà zanakalahin’i Abià, i Jôsafata zanakalahin’i Asà,

11i Jôrama zanakalahin’i Jôsafata, i Ahazià zanakalahin’i Jôrama, i Jôasy zanakalahin’i Ahazià,

12i Amatsià zanakalahin’i Jôasy, i Hazarià zanakalahin’i Amatsià, i Jôtama zanakalahin’i Hazarià,

13i Ahaza zanakalahin’i Jôtama, i Hezekià zanakalahin’i Ahaza, i Manase zanakalahin’i Hezekià,

14i Amôna zanakalahin’i Manase, ary i Jôsià zanakalahin’i Amôna.

15Ny zanakalahin’i Josià dia i Johanàna no lahimatoa, i Jôiakima no faharoa, i Tsedekià no fahatelo, ary i Saloma no fahefatra.

16Ny zanakalahin’i Jôiakima dia i Jekônià sy i Tsedekià.

17Ireo zanakalahin’i Jekônià, ilay lasan-ko babo tany Babilôna, dia i Sealtiela

18sy i Malkirama, i Pedaià sy i Senatsara mbamin’i Jekamià sy i Hôsamà ary i Nedabià.

19Ny zanakalahin’i Pedaià dia i Zerobabela sy i Simehỳ; ny zanak’i Zerobabela dia i Mesolama sy i Hananià mirahalahy, i Selômita anabaviny,

20ary dimy lahy hafa koa: dia i Hasobà sy i Ôhela mbamin’i Berekià sy i Hasadià ary i Josaba-Heseda.

21Ny taranak’i Hananià dia i Pelatià sy i Jesahià mbamin’ireo zanakalahin-dry i Refaià sy i Arnàna ary i Hôbadià sy i Sekanià.

22Ny zanakalahin’i Sekanià dia enina: i Semahià sy i Hatosa, i Jigala sy i Barià ary i Neharià sy i Safata.

23Ny zanakalahin’i Neharià dia telo: i Eliôhenay sy i Hezekià ary i Hazrikama.

24Ny zanakalahin’i Eliôhenay dia fito: i Hôdavià sy i Eliasiba, i Pelaià sy i Hakoba mbamin’i Jôhanàna sy i Delaià ary i Hananỳ.