1Kon may kahadlok ka ha Ginoo tutumanon mo ini. Pag-admi hin maupay an iya Balaod ngan hiaagian mo an Kinaadman.
2Tatapoon ka niya sugad hin usa nga iroy o hin kinasal nga daragita.
3Pakakaonon ka niya han hibaro ug paiimnon ka niya hin kinaadman.
4Tapod ha iya basi diri ka mapukan, ngan diri ka gud maaalohan han imo kapakyasan.
5Pagpapasidunggan ka niya labaw pa han ngatanan mo nga mga kahigrani; kon magyakan ka ha katig-oban tatagan ka niya han angay nga mga pulong.
6Hiaagian mo an tinuod nga kalipay; hinunumdoman ha kadayonan an imo ngaran.
7Kundi an mga lurong o makasasala diri ngani makakakita han Kinaadman.
8Diri hiya manginginlabot han mga tawo nga mapahitas-on; diri gud niya nasulod han hunahuna han mga buwaon.
9Diri angay para hin usa nga makasasala an pagkanta hin pagdayaw, kay diri kinasingkasing an iya pagsingba.
10An pagkanta hin pagdayaw usa nga pagpahayag hin kinaadman nga linamragan han Ginoo.
An Hayayag nga Kaburot-on11Ayaw pagbasola an Ginoo tungod han imo sala; diri pagbubuhaton han Ginoo an iya ngahaw napupungtan.
12Ayaw pagsiring nga gintuyaw ka niya; diri hiya nagkikinahanglan han mga makasasala hin pagtuman han iya mga panuyo.
13Napupungot an Ginoo han ngatanan nga maraot, ngan diri nabibihag han karat-an adton may pagkahadlok han Ginoo.
14Ha tinikangan han paghimoa han Ginoo han mga tawo, tinagan niya hira hin kagawasan basi magbuhat hira sumala han ira karuyag.
15Kon karuyag mo, makakagtuman ka han mga sugo han Ginoo. Makakagbuot ka kon maunong ka ba ha iya o diri.
16Iginbutang niya in kalayo ngan tubig ha imo atubangan; abota ngan kuhaa an imo naruruyagan.
17Ikaw an pag-igo kon hain an imo pipilion: kinabuhi ug kamatayon. Maaangkon mo an imo pagpipilion.
18Dako gud an kinaadman ngan gahom han Ginoo ngan nakita hiya han ngatanan.
19Maaram hiya han binubuhat han ngatanan nga mga tawo, ngan ginmamangnoan niya adton may pagkahadlok ha iya.
20Waray gud hiya magsugo nga magbuhat hin maraot an bisan hin-o nga tawo o waray hiya tumugot nga magbuhat hin sala an tawo.
Who We AreWhat We EelieveWhat We Do
2025 by iamachristian.org,Inc All rights reserved.
