1Amo ini an mga pulong ni Amos nga magmarangno hin mga karnero nga taga bungto han Tecoa. Iginpadayag han Dyos ngadto kan Amos ini ngatanan nga mga butang mahitungod han Israel, duha ka tuig han waray pa an linog ha panahon nga hi Oseas amo an hadi han Juda ngan hi Jeroboam nga anak ni Joas amo an hadi han Israel.
2Nagsiring hi Amos,
“Nagngungurob an Ginoo tikang ha Bukid Sion;
nag-aaningal an iya tingog tikang ha Jerusalem.
Nagmamara an mga panibsiban,
ngan nauuga an kabanwaan didto ha Bukid Carmelo.”
Ginhukman han Dyos an mga Kahigrani han IsraelSiria3Nasiring an Ginoo, “Nagpinakasala an mga tawo han Damasco, ngan tungod hini pagkakastigohon ko gud hira. Gintalumpigos nira hin makalilisang an mga tawo han Galaad.
4Sanglit pagsusunogon ko an palasyo nga gintindog ni Hadi Hasael ngan uugtangon ko an marig-on nga mga kota ni Hadi Benhadad.
5Rurub-on ko an mga ganghaan han syudad han Damasco ngan pupuohon ko an mga umurokoy han Kahamub-an han Aben ngan an punoan han Beteden. Bibihagon an mga tawo han Siria ngan dadad-on hira ngadto han tuna han Kir.”
Filistia6Nasiring an Ginoo, “Nagpinakasala an mga tawo han Gazam ngan tungod hini pagkakastigohon ko gud hira. Ginbihag nira in bug-os nga nasod ngan iginbaligya hira nga mga oripon ngadto han mga tawo han Edumea.
7Sanglit pagsusunogon ko an mga pader han syudad han Gaza ngan uugtangon ko an ira mga kota.
8Pupuohon ko an mga punoan han mga syudad han Asdod ug Ascalon. Kakastigohon ko an syudad han Ekron ngan magkakamatay an ngatanan nga mga Filisteohanon nga mahisalin.”
Tiro9Nasiring an Ginoo, “Nagpinakasala an mga tawo han Tiro, ngan tungod hini pagkakastigohon ko gud hira. Ginbihag nira in bug-os nga nasod ngan ginhalin nira ngadto ha tuna han Edumea, ngan waray nira pagtumana an ginsaaran hin pagkasangkay nga ira ginhimo.
10Sanglit pagsusunogon ko an mga pader han syudad han Tiro ngan uugtangon ko an ira mga kota.”
Edum11Nasiring an Ginoo, “Nagpinakasala an mga tawo han Edumea, ngan tungod hini pagkakastigohon ko gud hira. Gintuyo gud nira hin pagpatay an ira kabugtoan nga mga Israelita ngan waray gud nira kalooyi hira. Waray katubtoban an ira kasina ngan makalilisang an ira pagdumot.
12Sanglit pagsusunogon ko an syudad han Teman ngan uugtangon ko an mga kota han Bosra.”
Amon13Nasiring an Ginoo, “Nagpinakasala an mga tawo han Amon, ngan tungod hini pagkakastigohon ko gud hira. Dida han ira mga araway hin pag-isinasakopan hin darudamo nga katunaan, ginbuno ha tiyan pa ngani nira in burod nga kababayen-an didto ha Galaad.
14Sanglit pagsusunogon ko an mga pader han syudad han Reba ngan uugtangon ko an ira mga kota. Niyan magkakamay-ada gogliat dida han adlaw han araway, ngan mamimintas an araway sugad hin bagyo.
15Mabibihag an ira hadi ngan an iya mga opisyal.”
MoabWho We AreWhat We EelieveWhat We Do
2025 by iamachristian.org,Inc All rights reserved.
