Nehemias 12 - Samarenyo Meaning-Based Bible (1984)（MBBSAM）

Ini an Lista han Kapadian ngan mga Levita

1An masunod amo an lista han kapadian ngan mga Levita nga binmalik tikang han halina ha ira hin kabihag upod kan Zorobabel nga anak ni Salatiel ngan kan Josue nga Labaw nga Padi:

2-7 Kapadian:

Hira Seraias, Jeremias, Esdras, Amarias, Maluc, Hatus, Secanias, Rehum, Meremot, Ido, Henton, Abias, Miamin, Madias, Bilga, Semias, Joyarib, Jedaias, Selum, Amoc, Hilkias, ug Jedaias.

Mga pangulo ini nga mga tawo, mga kapadian nga ira kausa ha panahon ni Josue.

8 Mga Levita:

An nasunod amo an mga tinaporan han pagkanta han mga karantahon hin pagpasalamat: hira Josue, Binui, Cadmiel, Serebias, Juda, ug Matanias.

9An nasunod amo an hugpo hin mga magkaranta nga nabulig ha ira hin pagkanta han mga batonbaton: hira Bacbuquias, Uno, ngan an ira igkasi mga Levita.

Ini an mga Tulin ni Josue an Labaw nga Padi

10Hi Josue amo an amay ni Joaquim nga amay ni Eliasib nga amay ni Joyada;

11hi Joyada amo an amay ni Jonatan nga amay ni Jadua.

Ini an mga Puno han Padianon nga mga Banay

12-21Han Labaw nga Padi hi Joaquim inin masunod nga kapadian amo an mga puno han padianon nga mga banay:

Padi

Banay

Meraias

Seraias

Ananias

Jeremias

Mesolam

Esdras

Johanan

Amarias

Jonatan

Meluc

Jose

Sebenias

Edna

Harim

Helcai

Merayot

Zacarias

Ido

Mesolam

Gineton

Sicri

Abias

…

Miniamin

Felti

Moadias

Samua

Bilga

Jonatan

Semias

Matanai

Joyarib

Usi

Jedaia

Calai

Salai

Heber

Amoc

Hasabias

Hilkias

Natanael

Jedaias

May Sinurat hiunong han mga Banay han Kapadian ug mga Levita

22Gintipigan in sinurat hiunong han mga puno han Levita ngan han padianon nga mga banay sulod han panahon han nasunod nga Labaw nga Kapadian: Eliasib, Joyada, Johanan, ug Jadua. Nahuman ini nga surat han emperador han Persia hi Dario.

23Kundi nahisurat dida han opisyal nga mga sinurat an mga puno han Levita nga mga banay tubtob la han panahon ni Johanan nga apo ni Eliasib.

An Pagkabahinbahin han mga Katungdanan didto han Templo

24Ha ilarom han pagmando nira Hasebias, Serebias, Josue, Binui, ug Cadmiel, ginhuruhugpo an mga Levita. Duha ka hugpo ha kada panahon an nagbabatonbaton pagdayaw ngan pagpasalamat han Dyos, sumala han mga tugon ni Hadi David nga tawo han Dyos.

25An nasunod nga mga gwardya han Templo amo an tinaporan hin pagbantay han hirimosan nga mga kwarto ha ligid han mga ganghaan ngadto han Templo: hira Matanias, Becbecia, Obadias, Mesolam, Telmon, ug Acub.

26Nag-ukoy ini nga mga tawo sulod han panahon nira Joakim nga anak ni Josue ngan apo ni Josadac, gobernador Nehemias ug hi Esdras nga padi ngan magturutdo han Balaod.

Iginhalad ni Nehemias an Pader han Syudad

27Han paghalaran han pader han syudad han Jerusalem, gindara ngadto ha Jerusalem an mga Levita tikang han ngatanan nga dapit nga ira gin-ukyan basi makatampo hira han pagsaurog han paghalad pinaagi hin mga kanta hin pagpasalamat ngan han tokar hin mga gimbal ngan mga arpa.

28Nagtitirok an mga Levita nga mga panimalay hin mga magkaranta tikang han dapit nga ira gin-ukyan palibot han Jerusalem ngan tikang han mga bungto palibot han Netofa,

29ngan tikang ha Gilgal, Geba, ug Asmavet.

30Nagbuhat an kapadian ngan an mga Levita hin seremonyas hin paglinis han ira kalugaringon, han mga tawo, han mga ganghaan, ngan han pader han syudad.

31Gintirok ko an mga pangulo han Juda didto ha bawbaw han pader ngan iginbutang ko hira nga tinaporan hin duha nga dagko nga mga hugpo nga amo an magpapasalamat sa Dyos ug maglilibot han syudad.

Nagtipatuo an syahan nga hugpo ha bawbaw han pader tipakadto han Ganghaan Sighot.

32Naglakat hi Oseas ha luyo han mga magkaranta nga ginsunod han katunga han mga pangulo han Juda.

33-35Sinmunod hin pagkalakat an nasunod nga kapadian nga nagpapatunog han ira mga trompeta: hira Asarias, Esdras, Mesolam, Juda, Benjamin, Semias, ug Jeremias. Sinmunod hi Zacarias nga anak ni Jonatan ngan apo ni Semias. (Nahilakip dinhe an kaapoy-apoyan nira Matanias, Mecias, ug Sacur han mga banay ni Asaf.)

36Ginsunod hiya hin iba nga mga sakop han iya banay—hira Semias, Azarel, Milalai, Gilalai, Maai, Natanael, Juda, ug Ananias—nga nagdara an ngatanan hin mga turonggon sugad han ginggamit hin pagtokar ni Hadi David nga tawo han Dyos. Nag-una hini nga hugpo dida han prosisyon hi Esdras an magturutdo.

37Didto han Ganghaan Busay sinmaka hira han mga balitang nga tipakadto han Syudad ni David, linmabay hira han palasyo ni David, ngan binmalik ngadto han pader didto han Ganghaan Tubig, didto ha sinirangan han syudad.

38Nagtipawala ha bawbaw han pader an ikaduha nga hugpo hadton mga nagpapasalamat, ngan sinmunod ako upod an katunga han mga tawo. Linabyan namon an Lantawan mga Hudno ngadto han Hiluag nga Pader,

39ngan tikang didto linabyan namon an Ganghaan ni Efraim, an Ganghaan ni Jesana, an Ganghaan Isda, an Lantawan ni Hananel, ngan an Lantawan Gatos, ngadto han Ganghaan Karnero. Didto kami abot hirani han ganghaan ngadto han Templo.

40Sanglit an duha nga mga hugpo nga nagpapasalamat han Dyos nakaabot han dapit han Templo.

Labot han mga pangulo nga kaupod ko,

41an akon hugpo naglakip han nasunod nga kapadian nga nagpapatunog hin mga trompeta: hira Eliaquim, Maasias, Miamin, Mecias, Elioenai, Zacarias, ug Ananias,

42ngan ginsunod hira nira Maasias, Semias, Eleazar, Asi, Johanan, Melquias, Elam, ug Ezer. Nagkanta ha ira gidadakoi nga tingog an mga magkaranta nga pinangulohan ni Jesrias.

43Dida hito nga adlaw, damo nga mga unong nga tinubod an iginhalad ngan nagrayhak gud an mga tawo kay ginlipay gud hira han Dyos. Binmulig han pagsaurog an kababayen-an ngan an kabataan, ngan hinbatian an aringasa nira ngatanan hin paglipay didto ha kahigrayoan.

Naghatag para han Pagsingba didto han Templo

44Hito nga panahon iginbutang in mga tawo nga tinaporan han hirimosan nga mga kwarto nga gintitipigan han mga amot para han Templo, lakip an mga ikanapulo nga bahin ngan an syahan nga mga inani ha pugas ug bunga nga abot han uma ha kada tuig. Ini nga mga tawo amo an may katungod hin pagkuha han mga amot tikang han kaumhan nga higrani han magkalainlain nga mga syudad para han kapadian ngan han mga Levita nga sugo han Balaod. An ngatanan nga mga tawo han Juda nalipay han kapadian ngan han mga Levita,

45kay ginbuhat nira an mga seremonyas hin paglinis ngan han iba pa nga mga seremonyas nga iginsugo han Dyos. Gintuman liwat han mga musikero han Templo ngan han mga gwardya han Templo an ira mga katungdanan sumala han mga turumanon nga ginhimo ni Hadi David ngan ni Solomon nga iya anak.

46Tikang pa han panahon ni Hadi David ngan ni Asaf nga musikero, an mga musikero amo an nag-uuna han mga karantahon hin pagdayaw ngan pagpasalamt ngadto ha Dyos.

47Dida han panahon ni Zorobabel ngan han panahon liwat ni Nehemias naghatag an ngatanan nga mga tawo han Israel hin inadlaw nga mga regalo para han pagbulig han mga musikero han Templo ngan han mga gwardya han Templo. Naghatag an mga tawo hin baraan nga halad ngadto han mga Levita, ngan an mga Levita naghatag han bahin nga malon han kapadian.