1 Cronicas 24 - Samarenyo Meaning-Based Bible (1984)（MBBSAM）

An Buruhaton nga Iginahin para han Kapadian

1Amo ini an mga hugpo nga nasasakopan han mga tulin ni Aaron. Upat an anak ni Aaron: hira Nadab, Abihu, Eleasar, ug Itamar.

2Namatay hira Nadab ug Abihu nga buhi pa an ira amay ngan waray nira mga tulin, ngan nahimo nga padi hira Eleasar ug Itamar.

3Gin-upat ka hugpo ni David an mga tulin ni Aaron sumala han ira mga buruhaton. Binuligan hiya ni Sadoc, usa nga tulin ni Eleasar ug ni Ahimelec, usa nga tulin ni Itamar.

4Gin-16 ka hugpo an mga tulin ni Eleasar, samtang gin-walo ka hugpo an mga tulin ni Itamar: ginsugad ini hin pagbahin tungod kay darodamo an kalalaken-an nga puno hin mga panimalay dida han mga tulin ni Eleasar.

5Tungod kay kinahanglan man nga kumuha hin mga opisyal han Templo ug mga pangulo dida han mga tulin nira Eleasar ug Itamar, an mga pagbahinbahin han mga buruhaton ginpaagi hin ripa.

6An mga tulin nira Eleazar ug Itamar nagsarosando pinaagi hin ripa. Niyan ginsumat ini ni Simei, an anak ni Natanael ngan sekretaryo nga Levita. An mga saksi amo an hadi, an mga opisyal han hadi, hi Sadoc nga padi, hi Ahimelec nga anak ni Abiatar, an mga pangulo han mga panimalay han kapadian, ug an mga panimalay nga Levita.

7-18Amo ini an pagkasunodsunod han 24 nga hugpo hin panimalay nga natagan han ira mga buruhaton: 1) Joyarib; 2) Jadei; 3) Harim; 4) Seorim; 5) Melquia; 6) Maiman; 7) Acos; 8) Abia; 9) Jesua; 10) Sequenias; 11) Eliasib; 12) Jacin; 13) Hopafa; 14) Isbaab; 15) Bilga; 16) Imes; 17) Hezir; 18) Afses; 19) Fetaya; 20) Hezequiel; 21) Jaquin; 22) Gamul; 23) Dalayan; 24) Maasias.

19Ginsurat ini nga mga tawo sumala han ira pagsarosando hin pagkadto ha Templo ug an pagtuman han mga buruhaton nga ginhatag ha ira han ira ginikanan, hi Aaron, ha pagsugot han mga sugo han Ginoo nga Dyos han Israel.

An Lista han mga Levita

20Amo ini an iba nga mga puno hin mga panimalay nga mga tulin ni Levi:

hi Jehedia, tulin ni Amram han banay ni Subael;

21hi Jesias nga anak ni Rohobias;

22hi Joat nga anak ni Salemot nga anak ni Isaari;

23hira Jerian, Amarias, Jehazeel, ug Jecmaan nga mga anak ni Hebron, tikang ha timagurangi, hi Jerian;

24hi Samir, tulin ni Uziel nga anak ni Mica;

25hi Zacarias nga anak ni Jesia nga anak ni Uziel nga bugto ni Mica;

26hira Moholi, Musi, ug Osia nga mga tulin ni Merari.

27Tulo an anak ni Osia: hira Soam, Zacur, ug Ibri.

28-29Duha an anak ni Moholi: hira Eleasar ug Kis. Waray anak hi Eleasar, kundi hi Kis may-ada usa nga anak, hi Jerameel.

30Tulo an anak ni Musi: hira Moholi, Eder, ug Jerimot.

Amo ini an mga panimalay han mga Levita.

31An puno han tagsa nga panimalay ug usa han mga manghod nga kabugtoan nga lalake han puno han tapa nga panimalay nagripa para han ira buruhaton, sugad han ginbuhat han ira mga kauropdan, an kapadian nga tulin ni Aaron. An mga saksi amo hi Hadi David, Sadoc, Ahimelec, ngan an mga puno han mga panimalay han kapadian ug mga Levita.