1Hadi an Ginoo! Hiya binadoan
hin pagkaharangdon ngan hin pagkakusgan.
Diri mababantad inin kalibutan,
iginpahimutang gud ha kadig-onan.
2Im' trono, Ginoo, tindog na nga daan,
nga marig-on tikang pa ha tinikangan.
San-o magtikang an mga katuigan,
ikaw nakada na ha kamaihaan.
3Mga kahiladman hadton kalalawdan,
nga hin aringasa amo'n tinikangan.
(Nagoliat, nasinggit, ngan nagngungurob,
han pagkadagko han ira mga balod.)
4Labaw pa gud hiya hin pagkagamhanan,
kay han dinaguhob hadton kalalawdan,
kay han mga balod hadton kadagatan,
Ginoo ha langit gamhanan han tanan.
5O Ginoo, an imo mga balaod,
waray pagkabantad nagpapadayon gud;
ngan an imo Templo baraan nga gayod,
ha kadayonan gud baraan matuod.
Who We AreWhat We EelieveWhat We Do
2025 by iamachristian.org,Inc All rights reserved.
