1Sanglit kinmadto an hadi ngan hi Aman hin pakigsaro kan Ester
2hin ikaduha na. Samtang nag-iinom hira, ginpakianhan na liwat hiya han hadi, “Yana, Rayna Ester, ano man an imo karuyag? Sumati ako ngan tatagan la ikaw. Ihahatag ko ha imo bisan pa an katunga han akon ginhadian.”
3Binmaton hi Rayna Ester, “Kon maruruyag ka, Harangdon nga Hadi, hin paghatag han akon ubos nga pinangangaro, hingyap ko nga mabuhi unta ako ngan mabuhi man unta an akon mga tawo.
4Iginbaligya na an akon mga tawo ug ako ngadto hin pagkaoripon; gintikas an amon mga hiagi; ngan yana pamamatayon kami—kami ngatanan upod an amon kabataan mahihimo na nga mga oripon. Ngan tubtob ngada yana ginhilom ko la ini ngatanan. Diri maupay nga an amon kaaway usa nga kaapi han hadianon nga korte.”
5Niyan ginpakianhan ni Hadi Asuero hi Rayna Ester, “Hin-o ini nga nagpapasipara hin pagbuhat hin sugad nga butang? Hain ini nga tawo?”
6Binmaton hi Ester, “An amon kaaway amo ini nga maraot nga tawo, hi Aman!”
Inatubang ni Aman ha dako nga kahadlok an hadi ngan an rayna.
7Binmuhat an hadi tungod hin kapungot, binmaya han kwarto, ngan ginmawas ngadto han tanaman han palasyo. Nakasabot hi Aman nga makuri na an iya kamutangan, sanglit nagpabilin hiya pakimalooy kan Rayna Ester tungod han iya kinabuhi.
8Han pagbalik han hadi ngadto han kwarto tikang han tanaman, igo la hi Aman nga nakahapa dida han hundarayan ni Ester hin pakimalooy ha iya. Han pakakita hini han hadi, ginmoliat hiya, “Paglulugoson ba hini nga tawo an rayna dinhe ha akon atubangan, ngan dinhe han akon kalugaringon nga palasyo?”
Han pakabati hini ni Aman, nahingadto hiya hin pagturaw ngan waray na niya paglaom.
9Niyan usa ha ira, hi Buogatan nagsiring, “Nagpatindog pa ngani hi Aman hin biritayan nga 22 ka metros an kahitaas basi pagbitayon niya hi Mardoqueo nga amo an nagpahibaro ha imo, Harangdon nga Hadi, hiunong han mga magraot nga plano.”
“Bitaya hi Aman dida hito nga biritayan!” nagsugo an hadi.
10Sanglit ginbitay hi Aman dida han biritayan nga iginpatindog niya para kan Mardoqueo. Niyan hinmugpoy an kasina han hadi.
Who We AreWhat We EelieveWhat We Do
2025 by iamachristian.org,Inc All rights reserved.
