4 Niyan nagsiring hi Mardoqueo, “Kanan Dyos pagbuot ini ngatanan nga mga butang!
5 Ngan nahinumdom ako han akon inop hiunong hini ngatanan. Natuman an tagsa nga bahin han inop:
6 an gutiay nga burabod nga nahimo nga usa nga salog, an kaagahon nga nahimo nga masanag nga adlaw, ngan an damo nga mga tubig. An salog amo hi Ester nga ginpangasawa han hadi ngan ginhimo nga iya rayna.
7 Natindog an duha nga mga dragon kan Aman ngan ha akon.
8 An kanasoran amo adto ngatanan nga nagkaurosa hin pagpuo han mga Judiyo.
9 An akon nasod amo an Israel nga nagtawag han Dyos hin pakibulig ngan iya gintalwas. Gintalwas han Ginoo an iya mga tawo! Iya gintalwas kita hini ngatanan nga mga magraot ngan ginbuhat niya in dagko nga mga milagro ngan mga urosahon nga waray pa gud mahinabo didto han iba nga mga nasod.
10 Tungod kay nag-andam an Dyos hin usa nga kapalaran para han kalugaringon niya nga mga tawo ngan lain para han iba nga mga nasod.
11 Niyan inmabot an adlaw ngan an takna nga paghuhukman ini nga duha nga kapalaran; inmabot na an panahon han Dyos hin paghukom hiunong han mga kanasoran.
12 Nahinumdom an Dyos han iya pinili nga mga tawo ngan naghukom hiya ugop ha ira.
13 Sanglit ha kada tuig sulod han ngatanan nga panahon nga tiarabot mag-uurosa an mga tawo han Dyos ha iya atubangan dida han Adar ngan magsasaurog hira upod an pagrayhak ngan pagkalipay.”
Palanat14 Dida han ikaupat ka tuig nga pagkahadi nira Tolomeo ug Cleopatra, may usa ka tao nga ginngaranan nga Dositeo, nga nagpabantog nga usa hiya nga Levita nga padi. Amo ini hiya an nagdara han hinnabihan nga surat hiunong han pyesta han Purim. Gin-updan hiya ni Tolomeo nga iya anak, ngan ira iginsumat nga tinuod gud an surat, ngan ginhubad ini ni Lisimaco nga anak ni Tolomeo, ngan usa nga kaapi hin usa nga banay ha Jerusalem.
Who We AreWhat We EelieveWhat We Do
2025 by iamachristian.org,Inc All rights reserved.
