1 Cronicas 27 - Samarenyo Meaning-Based Bible (1984)（MBBSAM）

Mga Katig-uban han mga Aalagad han Buruhaton han Ginhadian

1Amo ini an lista han mga puno han mga panimalay nga Levita ug mga pangulo han banay ngan han mga opisyal nga nag-alagad han mga buruhaton han ginhadian. Kada bulan han tuig may lain nga hugpo hira 24,000 nga mga tawo nga natorno han mga buruhaton han ginhadian ha ubos han pagdumara han pangulo hito nga bulan.

2-15Inin masunod amo an mga pangulo kada bulan:

Syahan nga bulan: hi Jesbaam, anak ni Zadiel (sakop hiya han banay ni Perez, usa nga bahin han tribo ni Juda)

Ikaduha nga bulan: hi Dudia, usa nga tulin ni Ahohi (hi Miklot amo an sunod ha iya nga pangulo)

Ikatulo nga bulan: hi Benaias, anak ni Joyada nga padi; hiya an pangulo han hugpo han “Katloan” (hi Amizabad, an iya anak, amo an nagliwan ha iya hin ka pangulo han hugpo)

Ikaupat nga bulan: hi Asahel, an bugto ni Joab (hi Sabadias, an iya anak, amo an sinmaliwan ha iya)

Ikalima nga bulan: hi Samaot nga tulin ni Jeser

Ikaunom nga bulan: hi Hira, an anak ni Ases nga taga-Tecoa

Ikapito nga bulan: hi Heles nga tulin ni Faloni han tribo ni Efraim

Ikawalo nga bulan: hi Sabocai nga tulin ni Hosati (sakop hiya han banay ni Zarahi, usa ka bahin han tribo ni Juda)

Ikasiyam nga bulan: hi Abieser, nga taga-Anatot, ha katunaan han tribo ni Benjamin

Ika-10 nga bulan: hi Marai nga taga-Netofa (sakop hiya han banay ni Sarai)

Ika-11 nga bulan: hi Benaias nga taga-Faraton ha katunaan han tribo ni Efraim

Ika-12 nga bulan: hi Holdai nga taga-Netofa (tulin hiya ni Gotoniel)

An Pagdumara han mga Tribo han Israel

16-22Amo ini an lista han mga nagdumara han mga tribo han Israel:

Tribo

Tagdumara

Ruben

Eliezer nga anak ni Zecri

Simeon

Sefanias nga anak ni Maaca

Levi

Jasabias nga anak ni Camuel

Aaron

Sadoc

Juda

Elie nga usa han mga bugto ni Hadi David

Isacar

Amri nga anak ni Micael

Zabulon

Jesmaria nga anak ni Abdia

Neftali

Jeremot nga anak ni Azriel

Efraim

Ose nga anak ni Ozaziu

Katundan-Manases

Joel nga anak ni Padaya

Sinirangan-Manases

Jado nga anak ni Zacarias

Benjamin

Jasiel nga anak ni Abner

Dan

Esrihel nga anak ni Jeroham

23Waray ni Hadi David ipaihap an mga tawo nga ubos hin 20 an panuigon. Kay nagsaad man an Ginoo nga padadamoon niya an mga tawo ha Israel sugad han mga bitoon ha kalangitan.

24Hi Joab nga anak ni Seruia nagpaihap han mga tawo kundi waray ini mahuman. Ginkastigo han Dyos an Israel tungod hini nga pag-ihap han mga tawo, sanglit waray ini mahisurat ha mantalaan ni Hadi David.

Mga Tagdumara han mga Hiagi han Hadi

25-31Amo ini an lista hadton nagdumara han mga hiagi han hadi:

Mga hirimosan nga kwarto han garamiton han hadi: hi Azmot nga anak ni Adiel

Mga hirimosan nga kwarto han iba nga mga garamiton: hi Jonatan nga anak ni Ozias

Bahin han trabaho ha kaumhan: hi Esri nga anak ni Quelub

Mga urubasan: hi Semeias nga taga-Romat

Hirimosan hin bino: hi Sabdias nga taga-Afon

Mga olibo ug sicomoro nga mga kahoy didto ha Sepela: hi Balanan nga taga-Geder

Hirimosan han lana nga olibo: hi Joas

Mga baka didto ha kapatagan han Saron: hi Setrai nga taga-Saron

Mga baka didto ha mga kahamub-an: hi Safat nga anak ni Adli

Mga kamelyo: hi Ubil nga tulin ni Ismael

Mga asno: hi Jadaias nga taga-Meronot

Mga karnero ug mga kanding: hi Jasis nga tulin ni Agar

An mga Kalugaringon nga Magsaragdon ni David

32Hi Jonatan, an bata ni Hadi David nahimo nga magsaragdon han hadi tungod kay may-ada niya kinaadman ngan maupay nga parasurat. Hiya ug hi Jahiel nga anak ni Acamoni amo an nahimo nga tinaporan hin pagtutdo han mga anak han hadi.

33Hi Ahitofel amo an magsaragdon han hadi ug hi Cusai nga taga-Arac amo an suok nga sangkay nga parakianhan han hadi.

34Han kamatay ni Ahitofel, nahimo nga magsaragdon han hadi hira Abiatar ug Joyada nga anak ni Banaias. Hi Joab amo an pangulo han hugpo han kasondalohan han hadi.