1Na cava li me da qai kaya, ena vuku i Epara-ama, na tamada vakayago? Na cava sa yaco vua?
2Kevaka sa vakadonui koya na Kalou ena vuku ni veika sa vakayacora, ke sa tu vua eso na ka me boletaka voli; ia sa sega sara ni vakakina ena mata ni Kalou.
3Sa kaya na i Vola Tabu, “A sa vakabauta na Kalou o Epara-ama, ka sa vakadonui koya na Kalou me tamata yalododonu ena vuku ni nona vakabauta.”
8Sa kalougata na tamata sa sega ni wilika ka okata na Turaga na nona i valavala ca!”
9A sa nodra wale beka ga na cilivi na veivakalougatataki sa tukuna oqo o Tevita? E segai sara! Sa nodra talega o ira era sega ni cilivi. Ni sa tukuna na i Vola Tabu, “A sa vakabauta na Kalou o Epara-ama, ka sa vakadonui koya kina na Kalou me i valavala dodonu ena vuku ni nona vakabauta.”
10E yaco beka li ena gauna cava na ka oqo? Ni sa cilivi oti o Epara-ama, se ni sa bera ni cilivi? A sa yaco ga oqo ni se bera ni cilivi o koya.
11E a qai cilivi e muri, ka sa yaco na nona cilivi me i vakatakilakila me vakaraitaka ni sa nona vakabauta ga sa vakadonui koya kina na Kalou, ka okati koya me i valavala dodonu ni se bera ni cilivi. A sa yaco kina o Epara-ama me tamadra vakayalo na tamata kecega era sa vakabauta na Kalou ka ra sa vakadonui mai vua na Kalou me ra i valavala dodonu, ka veitalia ga ni ra se bera ni cilivi.
Who We AreWhat We EelieveWhat We Do
2025 by iamachristian.org,Inc All rights reserved.
