2 SAMUELA Na i Vakamacala Taumada - Ai Vola Tabu Ena Vakavakadewa Vou（FNV）

Na i Vakamacala Taumada Na i Karua ni Vola i Samuela e semati ga mai na i Matai ni Vola i Samuela, ka vola i tukutuku ni nona veiliutaki vakatui o Tevita me vakatekivu mai na nona liutaki ira na Juta mai na ceva (wase 1—4) me yacova sara na vanua taucoko o Isireli, ka okati kina na matanitu ena vualiku (wase 5—24). Na i vola oqo e sa tukuni vakamatata kina na sasaga i Tevita me vakalevutaka cake na nona matanitu ka vakadeitaka na nona i tutu ena nona valuti ira na meca e lomai Isireli kei ira mai taudaku. Sa yalodina sara ka gumatua ena qaravi Kalou o Tevita, ka sa rawa talega na yalodra e lewe vuqa na nona tamata. Ia, e kunei talega vua ni tamata voravora ena so na gauna, ka kitaka na cala bibi eso me rawata kina na lomana kei na veika lelevu e gadreva. Ia ena gauna sa dusimaka kina vua o Necani na parofita i Jiova na nona cala, sa tusanaka sara na nona cala ka tu vakarau me ciqoma na i totogi ni Kalou ki vua.A lauti ira vakalevu na Isireli na bula kei na veika sa rawata o Tevita. E yaco kina me ra dau vakasaqara e dua na “luve i Tevita,” oqori e dua e lako mai na kawa i Tevita ka vakataki koya me dabe ena i tutu vakatui ena gauna dredre era a sotava e muri.Na Lewe ni VolaNa nona liutaki Juta o Tevita 1.1—4.12

Na nona liutaki Isireli taucoko o Tevita 5.1—24.25

a. Na i tekitekivu ni veiyabaki 5.1—10.19

b. Tevita kei Vaciseva 11.1—12.25

c. Na leqa kei na veika dredre eso 12.26—20.26

d. Na veitabayabaki e muri 21.1—24.25