1Ena yaco na veika ca,
Vei ira era bulia na veilawa tawa dodonu,
Kei ira era tabaka tikoga na veivakararawataki;
2Me ra vagolei ira tani na vakaloloma mai na ka dodonu,
Me ra qai butakoca na nodra dodonu na tamata dravudravua,
Vei ira na noqu tamata;
Kovea na nodra i yau na yada,
Ka taura na veika era taukena na luveniyali.
3Na cava o ni na cakava ni sa na totogitaki kemuni na Kalou?
Na cava o ni na cakava,
Ni sa na kauta mai vei kemuni na leqa mai na dua na vanua yawa?
O cei o ni na dro vua me vukei kemuni?
O ni na vunitaka e vei na nomuni i yau?
4Ena sega tale na ka e vo,
Ia o ni na yarataki,
Ena kedra maliwa era kau vakavesu,
Se bale vei ira era sa moku mate.
Na veika kece oqo ena sega ni vakaotia na cudru ni Turaga,
A se dodo tikoga mai na ligana me veitotogitaki.
Vakayagataki o Asiria me Nona i Wau na Kalou5 Aisea 14.24-27; Neumi 1.1—3.19; Sefa 2.13-15 A sa kaya na Turaga,
“O Asiria na noqu i wau,
Au na mokuti ira kina au cudruvi ira.
6Au sa talai Asiria
Me ravuta e dua na vanua e sega ni kila na Kalou;
Na matanitu sa vakacudrui au.
Au sa tala me ravuta, butakoca
Ka butuki ira sobu na tamata,
Me vaka na soso ena gaunisala.
7Ia sa sega ni nakita na ka oqo na tui Asiria,
Ka sega ni nanuma ena nona vakasama,
Ia sa nakita me vakayacora na i tovo kaukauwa,
Ka vakarusa e vuqa sara na vanua.
8Ni sa kaya,
“Era sega li ni tui kece na noqu turaganivalu?
9Au sa vakadruka na koro o Kakamisi kei Kaloni,
O Emaci, Apati, Samaria kei Tamasiko.
10Sa yaco sara ki ligaqu ki na veivanua,
Era sa dau qarava na veimatakau,
Vei Samaria kei Jerusalemi.
11Me'u na qai sega li ni cakava
Ki Jerusalemi kei na kena veimatakau
Na veika au sa cakava vei Samaria
Kei na kena veimatakau?”
12Ni sa na vakaotia na nona cakacaka kece ko Jiova ena ulunivanua o Saioni kei Jerusalemi, ena qai totogitaka na dokadoka viavialevu i tui Asiria kei na nona qaciqacia.
13Ni sa kaya,
“Au na cakava ga ena noqu kaukauwa,
Ka ni'u sa vuku ka kila-ka.
Au sa tosoya na nodra i yalayala na veimatanitu,
Ka taura na nodra i yau.
Me vaka e dua na bulumakau tagane,
Au sa kauti ira sobu era dabe tiko
Ena veidabedabe vakatui.
14Sa kunea na ligaqu
Na nodra i yau na veimatanitu
Me vaka e dua na sova ni manumanu.
Ka'u sa kumuna vata na vuravura taucoko
Me vaka e dua na tamata sa vakatomika
Na yaloka ka sa biu vakatikitiki tu.
Ia sa sega ni bau dua e yavalata na tabana,
Se dolava na gusuna, se bau tagi.”
15Ia sa kaya ko Jiova,
“Sa levu li na matau mai vei koya sa vakayagataka?
Se sa levu cake na i varo vei koya sa varovaro kina?
Na i wau e sega ni daucolata na tamata;
Na tamata ga e daucolata na i wau.”
16Ena tala mai kina vakaoqo ko Jiova ni lewevuqa
E dua na mate ni suivotu,
Me tauvi ira na nona tamata qaqa.
Ena kama tiko e yagodra e dua na buka,
Ena waqa ka na kama tikoga.
17Na rarama kei Isireli ena yaco me bukawaqa,
Ka yameyame ni buka na nona Le Dua Savasava;
Ena vakama ka vakarusa ena dua ga na siga
Na nona kau vakavotona kei na soni.
18Na lagilagi ni nona veikau kei na nona vanua bulabula
Ena vakarusa ruarua na Turaga na yago kei na yalo
Me vaka na nona vakarusa e dua na tamata na mate e tauva.
19E vica wale sara na kau ena qai vo ena nona vanua
Ka na rawa sara vua e dua na gone lailai me wilika.
Era na Suka Lesu mai na Vo-ni-bula20Ena yaco mai na gauna era na sega ni qai vakararavi tiko na vo-ni-bula ni Isireli kei na mataqali i Jekope ki na matanitu e voleka ni vakarusai ira. Ia era na vakararavi ena yalodina vei Jiova na Kalou Yalosavasava ni Isireli.
21Era na lesu mai na vo-ni-bula, na vo-ni-bula i Jekope, era na lesu vua na nodra Kalou qaqa.
22Roma 9.27E dina ga ni ra lewe levu sara na Isireli me vaka na mataninuku ena matasawa, era na lewe lailai sara na vo-ni-bula era na lesu tale mai. Sa lewai me yaco na veivakarusai, ka sa dodonu ga me yaco vakakina.
23Ena kauta ga mai na veivakarusai ki na matanitu taucoko ko Jiova ni lewevuqa me vaka sa yalataka.
Ena Totogitaki Asiria ko Jiova24A sa kaya ko Jiova vei ira na nona tamata era tiko e Saioni, “Ni kakua ni rerevaka na kai Asiria, veitalia ga kevaka era vakararawataki kemuni me vaka era a dau vakayacora mai Ijipita.
25Sa voleka na gauna me oti na noqu cudru, au na qai vagolea vei ira na noqu cudru me'u vakarusai ira.
26Ena qai mokuti ira ena kuita ko Jiova ni lewevuqa me vaka na nona mokuti ira na kai Mitiani ena vatu mai Orepi. Ena vakararawataki Asiria me vaka na nona vakararawataki Ijipita.
27Ena gauna o ya ena qai sereki kemuni na Turaga mai na nodra kaukauwa na kai Asiria ka na sega tale ni qai bibi e domomuni na nodra i colacola.
Era sa Kaba Vakaivalu mai na Meca28Na mataivalu ni meca
era sa kaba na koro o Ai!
Era sa siviti Mikironi mai,
ka biuta tu na nodra i yaya e Mikimasi.
29Era sa lako kosova mai na delana
ka ra mai moce sara e Kepa.
Era sa rere na lewe i Rama,
ka ra sa dro na lewe i Kipea na koro i Saula.
30Ni qolou na lewe i Kalimi,
ni vakarorogo na lewe i Laisa,
Mo ni sauma yani na kai Anacoci.
31Era sa veiseyaki na lewe i Matimena,
Ka ra sa dro me ra bula na kai Qebimi.
32E daidai era sa yaco mai kina na meca ki na koro o Nipi,
ka ra na qai dodoka yani na ligadra,
Ki na ulunivanua o Saioni,
ena koro o Jerusalemi.
33Ko Jiova ni lewevuqa ena kolotaki ira sobu,
me vaka na tabanikau era musuki mai na vuna.
Ena musuki tani ka vakamaduataki
o koya sa cecere ka dokadoka duadua vei ira.
34Ena musuki ira tani ko Jiova
me vaka sa musuki ena matau na kau mai veikau;
Io, me vaka ni sa dau musuki vakakina
na kau totoka eso ni Lepanoni.
Who We AreWhat We EelieveWhat We Do
2025 by iamachristian.org,Inc All rights reserved.
