SAME 93 - Ai Vola Tabu Ena Vakavakadewa Vou（FNV）

Na Cecere ni Nona Veiliutaki na Kalou

1Sa tui ko Jiova.

Sa vakaisulu ena i sulu vakaturaga kei na kaukauwa.

Sa vakataudeitaki vinaka o vuravura

Ka sa dredre me yavalati rawa.

2Na nomuni i dabedabe vakatui, kemuni Jiova,

sa tudei mai na i vakatekivu;

Ka o ni a sa bula tu mai ni se bera na i tekitekivu ni gauna.

3Sa voqa cake na domo ni wai levu, i Jiova;

Sa rogo levu na kena rorogo ka vadugu.

4Sa lewa ena qaqa ko Jiova mai cake,

Sa levu cake mai na vadugu ni wasawasa,

Ka kaukauwa cake mai na veibiau ni wasa liwa.

5Sa sega ni mudu na nomuni lewa

Ka savasava dina na nomuni vale tabu,

Ena veigauna kecega ka sega ni mudu.