1A sa kaya tale vei au ko Jiova., “Mo lako tale mada ka vakaraitaka na nomu lomana na yalewa e sa domona tale tiko e dua, ni sa yalewa dautagane, ka me vaka na loloma i Jiova vei ira na Isireli, ka dina ga ni ra sa dau golevi ira na veikalou tani eso ka taleitaka na keke vuanikau.”
2Au a qai voli koya ena tinikalima na tiki ni siliva kei na 150 na kilokaramu na barile.
3Au a kaya vua ni dodonu me a waraki au tikoga vakabalavu ka me kakua ni dautagane tiko se volitaka na yagona; ni ka'u na waraki koya talega oi au ena gauna balavu vata o ya.
4Ena ka oqo, era na bula voli ga kina na Isireli ena dua na gauna balavu ka sega na nodra tui se tamata veiliutaki, ena sega na nodra i soro se na matakau, ka sega na nodra matakau me ra ia kina na cakacaka ni daurairai.
5Ia e muri era na qai lesu mai na Isireli ka vakasaqarai koya na nodra Kalou, kei Tevita na nodra tui; era na lako mai vei Jiova ena sautaninini kei na nona loloma ena gauna mai muri.
Who We AreWhat We EelieveWhat We Do
2025 by iamachristian.org,Inc All rights reserved.
