1A qai lako o Poasa ki na vanua ni soqo ena matamata ni koro ka la'ki tiko sobu kina. Ena gauna vata talega o ya a yaco mai kina na weka i Ilimeleki voleka duadua, o koya ka kaya tiko o Poasa. A qai kaya sara vakaoqo vua o Poasa, “Mo lako mai na wekaqu ka mai dabe eke.” A mai lako sara yani o koya ka dabe sobu.
2Sa qai kacivi iratou na lewe tini na qase ni koro o ya o Poasa ka kaya, “Dou mai dabe mada eke.” Ni ratou sa dabe sobu,
3sa qai vosa sara vua na weka i Ilimeleki voleka duadua o Poasa ka vaka, “Ia me vaka ni sa lesu mai na vanua o Moapi o Neomai, a sa vinakata me volitaka e dua na tiki ni vanua ka nei Ilimeleki na wekadrau.
4A sa lomaqu kina me'u vakaraitaka taumada vei iko. Ia kevaka o vinakata mo taura, mo volia e matadratou na qase sa dabe tiko oqo; ia mo tukuna talega vei au kevaka o sega ni via volia, me vaka ni sa nomu vakailiu na dodonu ni veivoli ka qai muri oi au.”
A sa kaya na wekana, “Au sa na volia na tiki ni vanua o ya.”
5A qai kaya tale o Poasa, “Sa vinaka, ia ena siga o volia kina na tiki ni vanua mai vei Neomai, sa okati vata kina na nomu voli Ruci na yalewa ni Moapi me rawa kina ni tiko ga na lewa ni tiki ni vanua oqo ena matavuvale i koya ka sa mate.”
6A sauma na wekana ka kaya, “Kevaka sa vaka oqori, ia au sa na sega ni volia tale kina na tiki ni vanua o ya, baleta ni ratou na sega ni vakaivotavota kina na luvequ. Mo volia ga o iko na ka sa dodonu me'u volia. Au sa na sega ni volia.”
7Sa dau vakaoqo ga na kena i vakarau e Isireli ena gauna e liu me i vakatakilakila ni sa vakadeitaki na veivoli kei na veisau, o ya me luvata na nona i vava o koya e volivolitaki ka solia vei koya e veivoli. A veika oqo e vakadinadinataki kina ena kedra maliwa na Isireli ni sa vakataudeitaki na veivoli.
11Era a qai kaya o ira kece ka ra tiko e kea, “Io, keimami sa kena i vakadinadina. Me vakayacora mada ko Jiova vua na watimu me tautauvata kei rau o Rejeli kei Lia, oi rau na yalewa ka rau a vakatubu kawa vakalevu vei Jekope. Ia mo yaco o iko mo tamata vutuniyau e Efiraca ka rogo na yacamu e Peceliema.O Poasa kei na Nona Kawa
13A sa kauti Ruci o Poasa ki na nona vale me watina. A sa vakalougatataki koya ko Jiova, a sa kunekune, ka sa vakasucuma e dua na luvena tagane.
14Era a qai kaya vei Neomai o ira na yalewa, “Me vakavinavinakataki mada ga ko Jiova ni a solia vei iko edaidai na nomu kawa. Me na rogo levu na yacana na gone oqo e Isireli!
15Me solia mada ga vei iko na gone oqo na bula vou, ka me na yaco me nomu i tokani ni o sa qase mai; ni sa vakasucuma na vugomu o koya ka dau lomani iko, ka uasivi cake mai na le vitu na luvemu tagane.”
16A sa kauta na gone o Neomai, a sa roqota ki lomaserena, ka susugi koya.
17Era a qai vakayacani koya na yalewa ni Peceliema, era sa kaya, “Sa sucu e dua na luve i Neomai tagane!”
Era a vakatoka me yacana o Opeti; ka sa yaco me tama i Jese, na tama i Tevita.
18Ia oqo na kawa i Peresi: e luve i Peresi o Esironi:
19Na luve i Esironi o Rami ka luve i Rami o Amenatave.
20Na luve i Amenatave o Nasoni ka luve i Nasoni o Salimoni.
21Na luve i Salimoni o Poasa ka luve i Poasa o Opeti.
22Na luve i Opeti o Jese ka luve i Jese o Tevita.
Who We AreWhat We EelieveWhat We Do
2025 by iamachristian.org,Inc All rights reserved.
