1 Maciu 3.17; 17.5; Mari 1.11; Luke 3.22; 9.35 Maciu 12.18-21A sa kaya ko Jiova,
“Sa i koya oqo na noqu dauveiqaravi
O koya au sa vakaukauwataka;
Sa i koya ka'u sa digitaka ka taleitaka.
Au sa solia vua na yaloqu,
Ka sai koya ga ena vakavuna
Na lewa dodonu ki na veimatanitu.
2Ena sega ni qolou se tabalaka ki cake na domona,
Se la'ki vosa tu e cake ena veigaunisala.
3Ena yalovinaka o koya vei ira era sa malumalumu
Ka yalololoma vei ira era leqa.
Ena kauta mai o koya na lewa dodonu ki na tamata kecega.
4Sa na sega ni rere se yalolailai o koya,
Ka na vakataudeitaka na lewa dodonu e vuravura.
Era waraka tu na veivanua yawa na nona i vakavuvuli.”
5 Caka 17.24,25 A sa bulia na lomalagi na Kalou ka tevuki ira yani,
A sa bulia talega na vuravura,
Kei na veika bula kecega e tu kina;
Sa i koya ga sa solia na bula kei na i cegu ki na tamata.
Ia oqo sa qai kaya ko Jiova na Kalou vua na nona dauveiqaravi,
6 Aisea 49.6; Luke 2.32; Caka 13.47; 26.23 “Oi au ko Jiova, ka'u sa kacivi iko ena dua na i naki vinaka.
Au a taura na ligamu ka maroroi iko.
Ena vukumu au na cakava kina e dua na veiyalayalati
Vata kei ira na tamata kecega,
Ka kauta mai na rarama ki na veimatanitu kecega.
7O na dolava na matadra era mataboko
Ka sereki ira era tiko ena vanua butobuto
Ena veivale ni veivesu.
8Oi au taudua ga ko Jiova na nomu Kalou.
E sega tale ni dua na kalou keirau vota vata na noqu lagilagi
Ka'u na sega ni solia na noqu dokai ki na dua na matakau.
9Na veika au a yalataka era sa yaco.
Ia oqo au sa na tukuna vei kemuni eso na ka vou
Ni ra sa bera ni yaco mai.
A Sere ni Veivakacaucautaki10Ni seretaka e dua na sere vou vei Jiova;
Ni seretaka na nona lagilagi na vuravura taucoko!
Ni vakacaucautaki koya oi kemuni o ni soko tiko e wasawasa.
Mo ni vakalagilagi koya na veika bula kece ni wasawasa.
Ni sere vua na veivanua yawa kei kemuni kece o ni tiko kina.
11Laiva na vanua dravuisiga kei na kena veikoro,
Me ra vakacaucautaka na Kalou.
Laiva me ra vakacaucautaki koya na lewe i Kitari.
Laivi ira era tiko ena koro o Sela
12Me ra vakacaucautaka ka vakalagilagi Jiova!
13Sa lako yani ko Jiova me vala ena nona qaqa,
Sa vakarau ka gadreva me vala.
A qolou ka kaila ena kaila ni valu o koya,
Ka sa vakaraitaka na nona qaqa ena nona saqati ira na meca.
Yalataka na Kalou me Vukei Ira na Nona Tamata14A sa kaya na Kalou,
“Sa dede sara na noqu galu tiko;
Ka'u sega ni vosa mai vei ira na noqu tamata.
Ia oqo na gauna me'u yavala kina,
Ka'u na kaila me vaka e dua na yalewa taratara.
15Au na vakarusa na veidelana kei na veiulunivanua,
Ka vakavuna me ra malai na co kei na kau.
Au na vukica na veiuciwai me vanua dravuisiga,
Ka vakamacara na veitobu wai.
16Au na liutaki ira na noqu tamata mataboko
Ena sala era sa bera ni lakova vakadua.
Au na vukica na nodra butobuto me rarama,
Ka veisautaka na vanua sukusukura
Me tautauvata e matadra.
Au na cakava dina sara na veika oqo.
17Era na vakamalumalumutaki ka vakamaduataki.
O ira kece era vakadinata ka dau masuta na veimatakau.”
Mataboko ka Didivara o Isireli18A sa kaya ko Jiova,
“Dou rogoca, oi kemudou na tamata didivara!
Ni vakararai matua sara, oi kemudou sa mataboko!
19E dua li sa mataboko vakalevu cake
Mai vua na noqu dauveiqaravi,
Ka didivara vakalevu cake mai vua na noqu i talai?
20I Isireli, sa levu na ka o raica,
Ia na cava e sa kena i balebale oqo vei iko?
Sa tu na daligamu mo rogoca kina,
Ia na cava sara mada o sa rogoca dina?”
21Sa dau gadreva ko Jiova me veivakabulai
Ka sa vinakata me dokai na nona i vakavuvuli.
22Ia o ira na tamata oqo era sa kovei ka butakoci
Ka ra sa sogoti kece ena veiloma ni qara,
Ka vunitaki e veivale ni veivesu.
Era sa kovei ka butakoci
Ka sega ni dua me vakabulai ira.
23Ena dua li vei kemuni ena vakarorogo ki na ka oqo?
Me tekivu oqo, o ni sa na dau qarauni li mo ni vakarorogo?
24O cei sa soli Isireli vei ira na dauvakacaca?
Ko Jiova ga vakai koya o koya o ni sai valavala ca vua!
Eda sa sega ni muria na veika e vinakata
Se talairawarawa ki na i vakavuvuli sa solia vei keda.
25Ia sa cakava me da kila na kaukauwa ni nona cudru,
Kei na katakata ni nona i valu.
A sa waqa na nona cudru
Me vaka na buka sa roboti Isireli.
Ia eda a sega ga ni kila na ka e yaco tiko;
Sa sega sara ni vulica rawa kina e dua na ka.
Who We AreWhat We EelieveWhat We Do
2025 by iamachristian.org,Inc All rights reserved.
