1A kuria tale o Ilaiu, ka kaya,
2E sega ni dodonu vei iko, Jope, mo kaya
Ni o sega ni cala ena mata ni Kalou,
3Se mo tarogi koya, ka kaya,
E lauti kemuni vakacava na noqu i valavala ca?
E sega ni vinaka vei au ke'u sega ni cakava na i valavala ca.
4Au sa na sauma vei iko kei iratou talega na nomu i tokani na nomu vosa.
5Rai cake mada ki macawa!
Raica na kedra yawa ki cake na veio!
6 Jope 22.2,3 Kevaka o sai valavala ca,
Na ka oqori ena sega ni ca vua na Kalou.
Kevaka sa vuqa na ca o cakava,
Ena nona beka o koya na kena ca?
7O vukea tiko beka na Kalou ena nomu sa rui yalododonu?
E sega sara ga na ka e vinakata mai vei iko o koya.
8Na nomu i valavala ca ena vakararawataki ira na kai nomu,
Ia na nomu caka vinaka ena vukei ira.
9Era vutugu na tamata ni ra sa vakasaurarataki;
Era tagi me bau dua e vukei ira.
10Ia era sega ga ni bau gole vua na Kalou, na nodra Dauveibuli,
O koya ka dau soli kaukauwa vei ira
Ena gauna voravora duadua ni nodra vakaleqai.
11Era sega ni gole vua na Kalou,
Ka vakavukui keda,
Me da vuku cake mai vei ira na manumanu yava i va
Kei na manumanu vuka.
12Era tagi veivuke, ia e sega ni bau sauma mai na Kalou,
Baleta ni ra tamata ca ka dokadoka.
13Sa sega na betena vei ira me ra tagi qoqolou;
Sa sega ni raici ira se rogoci ira o koya na Kalou Kaukauwa.
14I Jope, o kainaka o iko ni o sega ni raica rawa na Kalou,
Ia mo waraka mada vakamalua na ka e baleti iko
Sa koto sara ga oqo e matana.
15O tukuna o iko ni sega ni dau veitotogitaki na Kalou,
Ka sega ni dau via kila na vakayacori ni valavala ca.
16E sega na betena mo tosoya tikoga na nomu vosa;
Sa makare vinaka sara tu ga
Ni o sega ni kila na ka o kainaka tiko.
Who We AreWhat We EelieveWhat We Do
2025 by iamachristian.org,Inc All rights reserved.
