1 ena i yaya butakoci.
10A sa kaya ko Jiova, “Ena siga o ya, o ni na rogoca na domo ni tagi ena Matamata ni Ika mai Jerusalemi. O ni na rogoca na veitagicaki ena yasa ni koro sa tara vou, ka rogoca talega na rorogo levu mai na veidelana.
11Ni o ni sa rogoca oqo, mo ni qai qoqolou ka tagi, oi kemuni o ni sa tiko ena yasa ni koro ena buca, baleta ni ra sa na mate kece kina o ira na dauveivoli!
12“Ena gauna o ya, au na kauta kina e dua na cina ka la'ki vakadikevi Jerusalemi. Au na totogitaki ira na tamata sa dau murimuri lomadra ka nuitaki ira vakataki ira ga, ni ra sa dau kaya voli e lomadra, “Sa sega ni cakava rawa ko Jiova e dua na ka, se ka vinaka se ca.”
13Ena kovei vakaukauwa na nodra i yau, ka vakarusai na nodra veivale. Era na sega ni tawana na veivale era sa tara tiko, se gunuva na waini mai na veivaini era sa tea tu.”
14Sa voleka mai na siga cecere i Jiova; sa voleka sara ka sega tale ni qai berabera! Ena dua dina na siga ca o ya, ka ni na bau tagi talega ena rarawa levu o ira na sotia yaloqaqa!
15Ena siga ni cudru levu sara na siga o ya, e dua na siga ni leqa kei na rarawa, e dua na siga ni veivakacacani kei na veivakarusai, e dua na siga ni butobuto kei na yalobibi,
16e dua na siga e rogo kina na domo ni davui ni valu kei na nodra na vakacibi i valu na sotia era sa valuta tiko na veikoro lelevu kei na kedra valeniyadra cere i cake.
17A qai kaya ko Jiova, “Au na kauta mai na ka ni veivakaleqai oqo ki na kawa tamata me ra na qai vakayayamo voli me vakataka na tamata mataboko. Era sai valavala ca vei au, ia oqo ena sovaraki yani na nodra dra me vaka na wai, ka ra na dui vuca na yagodra mate ena dela ni qele.”
18Ena sega sara ni vakabulai ira na nodra siliva kei na koula taucoko ena siga sa vakaraitaka kina ko Jiova na nona cudru katakata. Na waqa ni nona cudru ena vakarusa na vuravura taucoko. Ena muduka vakasauri kina o koya na bula ni tamata yadua era sa tiko e vuravura.
Who We AreWhat We EelieveWhat We Do
2025 by iamachristian.org,Inc All rights reserved.
