SAME 54 - Ai Vola Tabu Ena Vakavakadewa Vou（FNV）

A Masu ni Kere VeitaqomakiVua na i liuliu ni sere: kei na i yaya ni qiriqiri vaka-wa. A Masikili i Tevita, ni ra sa lako mai vei Saula na kai Sifi ka tukuna vua, “O Tevita e vunitaki koya tiko ena keimami maliwa.”

1Kemuni na Kalou, ni vakabulai au ena ligamuni qaqa;

Ni sereki au ena nomuni kaukauwa!

2Ni rogoca na noqu masu na Kalou;

Ni vakarorogo mada ki na noqu vosa!

3Era sa lako mai na tamata i tovo viavialevu me ra valuti au;

Era sa saga na tamata i tovo kaukauwa me ra vakamatei au,

O ira na tamata era sega ni bau kauwaitaka na Kalou.

4Au sa kila ni dau vukei au na Kalou,

Ka sa dau taqomaki au na Turaga.

5Me qai totogitaki ira na kequ meca na Kalou

mai na nodra i tovo ca vakataki ira ga.

Ena vakarusai ira o koya ena vuku ni nona yalodina.

6Kemuni Jiova, au na vakacabora vei kemuni na i soro ena marau;

Au na vakavinavinaka ki na yacamuni, ni o ni sa rui vinaka.

7O ni sa vakabulai au mai na noqu leqa kecega;

Ka'u sa raica ni ra sa vakadrukai na kequ meca.