1Ena reki na vanua dravuisiga,
Ka na se na senikau ena veivanua matemate.
2Ena sere ka kaila ena reki na vanua dravuisiga,
Ka na yaco me rairai vinaka sara me vakataka
Na ulunivanua o Lepanoni,
Ka na bulabula me vaka na buca o Kameli kei Saroni,
Ka raica na nona qaqa kei na kaukauwa.
3 Ipe 12.12 Vakaukauwataka na liga sa damele
Kei na duru sa sautaninini ka malumalumu.
4Tukuna vei ira kece sa yalolailai,
“Ni kaukauwa tiko, ka kakua ni rere!
Sa na lako mai na Kalou me sereki kemuni,
Ka sauma lesu tale na veika ca
Vei ira na kemuni meca.”
5 Maciu 11.5; Luke 7.22 Ena rai rawa tale na mataboko,
Ka rogo tale na didivara.
6Ena rika me meke na lokiloki,
Ka kaila ena marau na galu;
Ena drodro ena vanua dravuisiga na veiuciwai.
7Sa na yaco me drano na vanua nuku katakata,
Ka bini na veitobu wai ena vanua mamaca sara.
8Ena tu e dua na gaunisala levu e kea,
Ka na vakatokai na Sala ni Yalosavasava.
Ena sega na tamata i valavala ca,
E muri ena sala oqo,
Ka na sega na lialia me vakasesei ira era lako kina.
9Ena sega e kea na laione,
Ka na sega na manumanu daukata me lako kina.
Sa i ira ga sa sereka ko Jiova,
Era na lesu ki na nodra vanua ena sala oqo.
10Era na yaco ki Jerusalemi ena marau,
Ka ra na sere ka kaila ena reki.
Era na marau ka tawa mudu,
Ka na takali yani vakadua na rarawa kei na oca.
Who We AreWhat We EelieveWhat We Do
2025 by iamachristian.org,Inc All rights reserved.
