1A sa volai na yacadra kece na lewenivanua e Isireli ena kena i wasewase vakavuvale vata, ka sa maroroi na i tukutuku oqo e Na Kedra i Vola na Tui Isireli.
Era a kau vakabobula ki Papiloni na Juta me i totogi ni nodra i valavala ca.
2O ira era i matai ni tamata me ra suka lesu tale ka taukena na nodra veikoro sa o ira na Isireli, na bete, na Livai, kei ira na dauveiqaravi ena Valenisoro. Ia e liu, era a dau yadrava na matamata ki na nodra i tikotiko na Livai.
19O Salumi, na luve i Kora tagane ka makubui Epaiasafi, vata kei ira na lewe ni mataqali o Kora, a sa nodra i tavi me ra yadrava na katuba ni vale tabu, me vaka sara ga era a dau cakava na nodra i tubutubu ena gauna e liu ni ra a dau yadrava kina na i tikotiko i Jiova.
20O Finiasi na luve i Iliesa, a sa nodra i liuliu tu na i vakatawa ena dua na gauna, ka sa totaki koya ko Jiova.
21A sa dua talega vei ira na dauyadrava na Vale ni Veitavaki o Sakaraia na luve i Meselimaia.
22Ni sa soqoni vata na kedra i wiliwili kece, era sa lewe 212 na tamata sa digitaki me ra yadrava na matamata kei na katuba kece. Era sa volai ga ki na veikoro era dui tiko kina. Sa i rau o Tevita na tui kei Samuela na parofita ka rau a vakatikori ira na nodrau qase ki na i lesilesi ni kena qaravi na i tavi bibi oqo.
23O rau kei ira na nodrau kawa era a qai tomana tiko na kena yadravi na matamata ni Valenisoro.
24A sa tiko na matamata mai na yasana e va, ka ra veiqaravi tu ki loma, o ya mai na vualiku, na ceva, na tokalau, kei na ra, ka tiko na i liuliu ni matayadra ena matamata yadua.
25Era dau veivuke yadra vei ira na i liuliu oqo o ira na wekadra era sa tiko ena veikoro, era veisau yadra me bogi vitu na tamata yadua.
26O iratou na lewe va na i liuliu ni matayadra e ratou kawa i Livai, ka tiko e ligadratou na i tinitini ni vakatulewa. A nodratou i tavi talega na kena qarauni na veirumu ena Valenisoro kei na veiyaya era maroroi tu kina.
27Era a vakaitikotiko voleka ga ki na Valenisoro, baleta ni sa nodra i tavi me ra yadrava tiko ka dolava na kena veikatuba ena veimataka kece.
Eso Tale Vei Ira na Livai28A sa lesi eso vei ira na Livai me ra qarauna na veiyaya ni sokalou. Era dau wilika na veiyaya kece ni sokalou sa kau yani ki loma, ka wilika tale ni sa kau mai ki tautuba.
29Eso tale sa lesi me ra qarauna na kena maroroi na veiyaya tabu tale eso, kei na madrai droka, na waini, na waiwai olive, kei na ka boi vinaka.
30Ia na i tavi me baleta na kena waki vata na veika boi vinaka sa nodra vakatabakidua ga na bete.
31E dua vei ira na Livai ka yacana o Maticala, na ulumatua tagane i Salumi, mai na mataqali o Kora, a sa nona i tavi me vakarautaka na keke vavi me vakacabori.
32A sa nodra i tavi na lewe ni mataqali o Koaca me ra vakarautaka na madrai tabu ni Valenisoro ena Siga ni Vakacecegu kece sara.
33Eso na vuvale mai vei ira na Livai sa nodra i tavi na kena qaravi na sere ni sokalou ena Valenisoro. O ira na i liuliu ni veivuvale oqo era tiko ga ena lomanibai ni Valenisoro ka ra galala mai na cakacaka tale eso, baleta ni ra sa tu vakarau me ra qarava na nodra i tavi ena siga kei na bogi.
34O ira na Livai ka volai koto oqori e cake na yacadra era sa nodra qase ni veivuvale, me vaka na i tuvatuva ni nodra kawa. Oqo o ira na i liuliu ka ra tiko mai Jerusalemi.
Na i Tubutubu kei na Kawa i Saula(1Vei 8.29-38)35A sa tauyavutaka na koro o Kipioni o Jieli, ka vakaitikotiko kina. Na yaca i watina o Meka.
36Na luvena ulumatua tagane o Apitoni, kei iratou na vo ni luvena tagane o Suri, kei Kisi, kei Peali, kei Neri, kei Netapi,
37kei Kitori, kei Eio, kei Sakaraia, vata kei Mikiloci.
38O Mikiloci na tama i Semea. O ira kece na nodra kawa era tiko ga mai Jerusalemi, ka toka veivolekati ga vakavuvale kei ira na lewe ni nodra mataqali.
39A sa yaco o Neri me tama i Kisi; ka sa yaco o Kisi me tama i Saula. E ratou lewe va na luve i Saula tagane: o Jonacani, kei Malikisua, kei Apinatapi, vata kei Esipeali.
40Sa yaco o Jonacani me tama i Meribali ka sa yaco o Meribali me tama i Maika.
41E ratou lewe va na luve i Maika tagane: o Piconi, kei Meleki, kei Tarea, vata kei Easi.
42O Easi na tama i Jara; e ratou lewe tolu na luve i Jara tagane: o Alemeci, kei Asimavece, vata kei Simirai. O Simirai na tama i Mosa,
43o Mosa na tama i Pina, o Pina na tama i Rifaia, o Rifaia na tama i Iliesa vata kei Iliesa na tama i Aseli.
44E ratou sa lewe ono na luve i Aseli tagane: o Asirikame, o Pokiru, o Isimeli, o Siaraia, o Opetaia vata kei Anani.
Who We AreWhat We EelieveWhat We Do
2025 by iamachristian.org,Inc All rights reserved.
