1O sa rui rairai totoka, noqu daulomani!
Raica, o sa mata vinaka dina!
Na yaloka ni matamu ena daku ni kena i ubi sa vaka na ruve,
Na drau ni ulumu sa vaka na qele ni me
Sa siro sobu mai na ulunivanua o Kiliati.
2Na batimu sa vulavula me vaka na sipi
Se qai kotivi oti ka vakasavasavataki.
Sa tiko yadua na kedra i sa ni drua;
Ka sega ni tu duadua e dua vei ira.
3Na tebe ni gusumu sa vaka na reveni damudamu,
Ka rairai vinaka ni o cavuta na vosa.
Na balumu sa ramase mai na daku ni ubi ni matamu.
4Na domomu sa vaka na vale cere i cake i Tevita,
Sa bulicaki vinaka ka dravia;
Sa lili wavokita e udolu na i sasabai,
Na nodra i sasabai kecega na qaqa.
5Na sucumu ruarua sa vaka e rua na dia ka rau drua,
Erau sa kana voli ena maliwa ni viavia.
6Au na tiko ga ena ulunivanua ni veimura,
Ena dela ni drega boi yawa na ferekiniseni,
Me yacova na malawa ni mataka
Ni sa seavu yani na butobuto.
7O sa rui totoka vakaoti, noqu daulomani;
Sa sega na tikimu e vakamelei rawa.
8Daru mai lako vata mai na veiulunivanua e Lepanoni, na watiqu;
Daru mai lako vata mai Lepanoni.
Mo siro mai na dela ni ulunivanua o Emana,
Mai na Dela i Siniri kei na Dela i Erimoni,
Mai na nodra vanua na laione kei na leopate.
9Na rai ni yaloka ni matamu noqu daulomani, na watiqu,
Kei na taube o daramaka voli
Sa rawa na yaloqu taucoko.
10Na nomu dodomo sa vakamarautaki au,
Noqu daulomani, na watiqu.
Sa talei cake na nomu dodomo ka ca na waini,
Kei na nomu i lumu mai na veika boi vinaka kecega!
11Na tebenigusumu, na watiqu, sa kamikamica me vaka na qa ni oni,
Na yamemu sa vaka na sucu kei na oni vei au.
A nomu i sulu sa kuvuraka mai na i boi totoka kei Lepanoni.
12O noqu daulomani, na watiqu, sa vaka e dua na i teitei vuni,
A teitei sa vakabai wavoki, a mataniwai vakaitaukei.
13Na nomu i teitei sa tubu vinaka me vaka na pomekaraneti
Ka vuataka na kau digitaki,
Me vaka na kamifaia kei na narita,
14na safaroni, na kalamusi, kei na sinamoni,
Kei na drega boi vinaka kece sara.
Na mura kei na yasi sa bula kina
Kei na kau boi vinaka kecega.
15Na veimataniwai sa vakasuasuataka na i teitei,
Ai keliwai drodro
Sa drodro sobu mai Lepanoni.
Na Yalewa16Cagi mai na Tokalau, mo yadra mai,
Cagi mai na Ceva, mo mudre mai e loma ni noqu i teitei;
Ka me sinai ena i boi totoka.
Me gole mai o noqu daudomoni ki na nona i teitei
Ka kania na kena vuanikau digitaki.
Who We AreWhat We EelieveWhat We Do
2025 by iamachristian.org,Inc All rights reserved.
