1 VEIGAUNA 4 - Ai Vola Tabu Ena Vakavakadewa Vou（FNV）

Na Kawa i Juta

1Oqo eso vei ira na kawa i Juta: o Peresi, o Esironi, o Kamai, o Uri kei Sopali.

2O Sopali na tama i Reaia, o Reaia na tama i Jeaci; o Jeaci na tamadrau o Eumai kei Leati, na nodra qase na tamata era tiko mai Sora.

3O Uri na ulumatua i Efiraca, na wati Kelevi na tamana ka sai ira na nona kawa era a tauyavutaka na koro o Peceliema. E ratou lewe tolu na luve i Uri tagane: o Etami, o Penueli kei Esa. E ratou sa lewe tolu na luve i Etami: o Jesireli, o Isima kei Itipasi; ia sa dua na ganedratou, o Esileliponi.

4O Penueli sa tauyavutaka na koro o Kitori ka tauyavutaka o Esa na koro o Usa.

5O Asuri, o koya ka tauyavutaka na koro o Tekoa, sa rua na watina, o Ela vata kei Neera.

6E va na luvedrau tagane o Asuri kei Neera: o Eusami, o Eferi, o Temeni kei Easitari.

7E ratou lewe tolu na luvedrau tagane o Asuri kei Ela: o Sereci, o Soari vata kei Ecinani.

8O Kosa e tamadrau o Anupi kei Sopepa, na nodra i tubutubu na veimataqali era sa kawa mai vei Eareli na luve i Arumi tagane.

9A sa dua na tamata na yacana o Japesi sa dau rokovi ka dokai vakalevu vei iratou na lewe ni nona matavuvale. A vakayacani koya o tinana me o Japesi, baleta ni a rarawa vakalevu ena siga sa vakasucumi koya mai kina.

10Sa qai masuta na Kalou ni Isireli o Japesi ka kaya vakaoqo, “Mo ni vakalougatataki au, kemuni na Kalou, ka vakalevutaka na i yalayala ni noqu vanua. Mo ni tiko ga kei au ka maroroi au mai na veika ni veivakaleqai kei na veivakararawataki.” A sa vakayacora na Kalou na ka sa kerea o Japesi.

Na Veivuvale Tale Eso

11O Kelevi, na taci Sura, a sa dua na luvena tagane, o Meiri. O Meiri na tama i Esitoni

12ka lewe tolu na luvena tagane o Esitoni: o Pecirafa, o Pasea kei Teina. A sa tauyavutaka o Teina na koro levu o Naasi. Era sa vakaitikotiko mai Reka o ira na nodra kawa.

13E rau sa lewe rua na luve i Kenasi tagane: o Ocinieli kei Siraia. E rau lewe rua talega na luve i Ocinieli tagane, o Ecaci vata kei Mionocei.

14O Mionocei na tama i Ofira. O Siraia na tama i Jope ka sa tauyavutaka na i matai ni cakacaka ni liga.

15O Kelevi na luve i Jefune, e tolu na luvena tagane: o Iru, o Ela vata kei Naami. O Ela na tama i Kenasi.

16E ratou sa lewe va na luve i Jialieli tagane: o Sifi, o Sifa, o Tiria vata kei Esareli.

17E ratou sa lewe va na luve i Esera tagane: o Jica, o Mereti, o Iferi kei Jaloni. E rau a vakawati o Mereti kei Picaia na luve i tui Ijipita yalewa ka nodrau ulumatua yalewa o Miriama, e qai rua na luvedrau tagane, o Samei vata kei Isipa. Sa i Isipa ka a tauyavutaka na koro o Esitimoa.

18A qai vakawati tale o Mereti kei na dua na yalewa mai na mataqali i Juta, e ratou lewe tolu na luvedrau tagane: o Joreti, o koya sa tauyavutaka na koro o Kitori; o Eferi, o koya sa tauyavutaka na koro o Soko; kei Jikucieli, o koya sa tauyavutaka na koro o Sanoa.

19O Otaia erau sa vakawati kei na ganei Neami. O ira na nodrau kawa era a tauyavutaka na mataqali o Kami era sa tiko ena koro o Kila vata kei na mataqali o Meka era sa tiko ena koro o Esitimoa.

20E ratou lewe va na luve i Saimoni tagane: o Eminoni, o Rina, o Penianani kei Tiloni. E rau lewe rua na luve i Isi tagane: o Soeci vata kei Penisoeci.

Na Kawa i Sela

21O Sela e dua vei ira na luve i Juta tagane. O ira na nona kawa sa okati kina o Eri, o koya sa tauyavutaka na koro o Leka; o Lata, o koya sa tauyavutaka na koro o Maresa; o ira na lewe ni mataqali dautalitali era sa tiko ena koro o Peci Asipea;

22o Jokimi kei ira na tamata era sa tiko ena koro o Kosepa; kei rau o Joasa kei Sarafi, o rau ka rau vakawati yalewa ni Moapi ka qai la'ki tiko e Peceliema. (Oqo era i tukutuku makawa sara.)

23Era sa nona dautulikuro na tui era sa vakaitikotiko ena koro o Netaima kei Ketera.

Na Kawa i Simione

24E ratou sa lewe lima na luve i Simione tagane: o Nimueli, o Jamini, o Jaripi, o Sira kei Saula.

25Na luve i Saula tagane o Salumi, na makubuna o Mipisami ka makubuna tagane vakarua o Misima.

26Me vakatekivu mai vei Misima, sa qai dewa sobu na kawa vei Amueli, Sakuli kei Semeai.

27Era sa lewe 16 taucoko na luve i Semeai tagane ka ratou lewe ono na luvena yalewa, ia era lewe lailai sobu na luvedra na wekana ka sega soti ni tubu na nodra mataqali na Simione me vakataki ira na mataqali i Juta.

28Me la'ki yacova sara na gauna i Tevita na tui, era sa tiko ga na kawa i Simione ena veikoro oqo: o Perisepa, o Molata, o Asarisuali, Era sa qai vakania na nodra sipi ena tokalau ni buca e koto kina na koro o ya.

40Era a kunea e levu sara na vanua veico bulabula ni vakana manumanu mai kea, ena vanua galala ka sautu. Era sa tawana na vanua o ya na luve i Ame.

41Ena gauna i Esekaia na tui Juta, era a lako i Kira na tamata sa cavuti e cake na yacadra ka ra vakarusa na veivalelaca kei na veivale na tiko e kea. Era vakasavi ira tani na lewena, ka ra vakaitikotiko tudei kina, ni sa sautu dina na co e kea me kedra na nodra sipi.

42Era sa lewe 500 tale na kawa i Simione era a lako vaka ki na tokalau kei Itomi. Era a liutaki mai vei iratou na luvena tagane o Isi: o Pilataia, o Nearaia, o Rifaia kei Usieli.

43Era a vakamatei ira na vo-ni-bula ni Amalekaiti ka ra a dro, ka ra sa tiko mai kea me yacova na siga oqo.