1Ni bera ni valuti o tui Ijipita, e a vosa na Turaga ko Jiova vei Jeremaia na parofita.
2A sa kaya,
“Raica, sa tubu cake na wai
Mai na yasana vaka ki na vualiku,
Ka sa coka mai me vaka e dua na uciwai sa waluvu.
Ena luvuca na vuravura kei na ka kece sa tu kina,
Na veikoro kei na tamata era bula kina.
Era na tagica mai na tamata na veivuke,
Ka ra na tagi na lewe ni vanua kecega ena rarawa.
3Era na rogoca na vadugu ni yavadra na ose,
Na tamosa ni kareti,
Kei na rorogo ni yava ni qiqinivalu.
Era na sega ni rai vuki na tama vei ira na luvedra:
Ka na damele mai na ligadra ena yasadra.
4Ni sa yaco mai na gauna
Me ra vakarusai kece kina na kai Filisitia,
Ka muduki tani mai Taia kei Saitoni
Na veivuke kece sara e sa tu.
Ena vakarusai ira na kai Filisitia ko Jiova
O ira na vo-ni-bula ena baravi kei Kafitori.
5Sa yaco mai na rarawa levu
Vei ira na lewe i Qasa,
Ka sa rusa o Asikiloni.
A cava so na kena dede
Era na tagi kina
Na vo-ni-bula ni Filisitia?
6O iko na i Seleiwau ni Turaga!
A cava na kena dede o na qai galu?
Lesu tale ki na kemu taga,
La'ki tiko kina ka vakacegu!
7Ia me na vakacegu vakacava,
Ni'u sa solia vua na cakacaka me cakava?
Au sa vakaroti kina me ravuti Asikiloni,
Kei ira na tamata era tiko ena baravi.
Who We AreWhat We EelieveWhat We Do
2025 by iamachristian.org,Inc All rights reserved.
