SAME 29 - Ai Vola Tabu Ena Vakavakadewa Vou（FNV）

Na Domo ni Kalou ena CagilabaA Same i Tevita.

1

3Sa rogoci na domo i Jiova ena wasawasa;

Sa vakavuna na Kalou me lutu na kurukuru;

Ka sa voqa mai na domona ena dela ni wasawasa.

4Sa rogoci na domo i Jiova

io ena kena kaukauwa taucoko ka sa vakaturaga.

5Sa musulaka na sitari na domo i Jiova,

Ka vakakina na sitari ni Lepanoni.

6Sa vakayacora na veiulunivanua mai Lepanoni

me ra lade cake me vaka na luve ni bulumakau yalewa,

Ka vakayacora na ulunivanua o Eremoni

me lade me vaka na luve ni bulumakau tagane.

7Na domo i Jiova sa vakavuna me tibi na livaliva.

8Na domona sa yavalata na vanua dravuisiga;

Ka sa kurea o koya na vanua dravuisiga o Katesi.

9Na domo i Jiova sa vakavuna me sakure na vuni oki,

Ka sa drutidrutia laivi na drauna kece sara

ni ra sa kacivaka mai o ira sa tiko ena Valenisoro, “Me rokovi na Kalou!”

10Sa lewa ko Jiova na veiwai titobu

Ka sa lewa tiko me vaka na tui ka sega ni mudu.

11Sa solia ko Jiova na kaukauwa vei ira na nona tamata

Ka vakalougatataki ira na nona tamata ena bula vakacegu.