1Oqo na yacadra na Isireli era i liuliu ni vuvale, kei ira era i liuliu ni mataqali, vata kei ira na nodra i vakailesilesi era sa qarava na cakacaka raraba ni matanitu. Ena veivula, era sa dau qarava na nodra i lesilesi na veiwasewase duidui eso ka ra lewena e 24,000 taucoko na tamata, ka qaravi oqo ena ruku i koya na komada sa lesi me veiliutaki ena vula o ya.
2Sa vakaoqo na yacadra na komada era sa veiliutaki ena veivula yadua.
Ena i matai ni vula, a sa veiliutaki o Jasopiami na luve i Sapitieli tagane. Era sa lewe 24,000 na nona tamata ena nona i wasewase.
3O koya e kawa mai vei Peresi ka nodra i liuliu kece na komada ni mataivalu ena i matai ni vula.
4Ena i karua ni vula, a sa veiliutaki o Totai mai na kawa i Aoli. A sa nona i vukevuke o Mikiloci, ka ra lewe 24,000 na tamata ena nona i wasewase.
5Ena i katolu ni vula, a sa veiliutaki o Penaia, na luvena tagane o Jioiata na bete, ka ra lewe 24,000 na tamata ena nona i wasewase.
6O Penaia oqo e dua na sotia yaloqaqa ka rogo, ka sa nodra i liuliu na Lewe Tolusagavulu. A qai sosomitaki koya o Amisapati na luvena tagane.
7A sa kena i kava o Asaeli na taci Joape, ena i kava ni vula. A sa qai sosomitaki koya o Sepataia na luvena tagane, ka ra lewe 24,000 na tamata ena nona i wasewase.
8Na i kalima ni komada ena i kalima ni vula o Samuci, e dua vei ira na kawa i Isira. Era sa lewe 24,000 na tamata ena nona i wasewase.
9Ai kaono, ena i kaono ni vula, sa veiliutaki kina o Ira, na luve i Ikesi tagane, na kai Tikoa. Era sa lewe 24,000 na nona i wasewase.
10Na i kavitu ni vula: o Elesi, na kai Ifereimi mai Peleti. Era sa lewe 24,000 na nona i wasewase.
11Na i kawalu ni vula: o Sipikei na kai Usa. E lewe ni mataqali i Sera o koya, mai na mataqali i Juta. Era sa lewe 24,000 na nona i wasewase.
12Na i kaciwa ni vula: o Episeri, na kai Anacoci mai na mataqali i Penijamini. Era sa lewe 24,000 na nona i wasewase.
13Na i katini ni vula: o Meerei na kai Nitofa. E lewe ni mataqali i Sira o koya, ka ra sa lewe 24,000 na nona i wasewase.
14Na i ka 11 ni vula: o Penaia na kai Piraconi mai vei ira na mataqali i Ifereimi. Era sa lewe 24,000 na nona i wasewase.
15Na i ka 12 ni vula: o Elitai na kai Nitofa. E kawa i Ocinieli o koya. Era sa lewe 24,000 na nona i wasewase.
O Ira na i Liuliu ni Mataqali16Oqo na yacadra o ira na i liuliu ni mataqali eso e Isireli:
vei ira na Rupeni: o Iliesa na luve i Sikiri tagane;
vei ira na Simione: o Sefataia na luve i Meka tagane;
17vei ira na Livai: o Asapia na luve i Kemueli tagane;
vei ira na Eroni: o Setoki,
18vei ira na Juta: o Ilaiu, e dua vei ira na tuakai Tevita;
vei ira na Isakari: o Omirai na luve i Maikeli tagane;
19vei ira na Sevuloni: o Isimaia na luve i Opetaia;
vei ira na Navitalai: o Jirimoci na luve i Asirieli tagane;
20vei ira na Ifereimi: o Osea na luve i Asasaia tagane;
vei ira na Ra kei Manasa: o Joeli na luve i Pitaia tagane;
21vei ira na Tokalau kei Manasa: o Ito na luve i Sakaraia tagane;
vei ira na Penijamini: o Jesieli na luve i Epineri tagane;
22vei ira na Tani: o Esareli na luve i Jiroame tagane.
Sa i ira oqori na turaga ni veimataqali e Isireli.
23A sega ni wiliki ira o Tevita na tamata kece ka lailai sobu mai na ruasagavulu na nodra yabaki ni bula, baleta ni sa yalataka oti ko Jiova ni na vakalewevuqataki ira na Isireli me vaka na levu ni kalokalo ni lomalagi.O Ira na i Vakalesilesi ni Tui
25A sa qarava na i yau vakatui kei na kena maroroi o Asimavece na luve i Etieli tagane.
Ia sa qarava o Jonacani na luvei Usaia tagane na i yau ni matanitu, kei na veikoro lelevu, kei na veikoro lalai, vata kei na vale vakarewa i cake ni valu.
26A sa veiqaravi o Esirai na luve i Kilupi tagane vei ira na dauteitei ena kena cakacakataki na qele.
27A sa qarava na veiloganivaini o Semeai na kai Rama.
Ia sa qarava na kena vakarautaki na waini mai na loganivaini o Sapiti na kai Safani.
28A sa qarava o Peali Anani na kai Kiteri na veiolive kei na vunilolo eso ena ruku ni veidelana vaka ki na ra.
Ia sa qarava na kena maroroi kei na lewai ni waiwai olive o Joasa.
29A sa qarava o Sitirei na kai Saroni na qele ni manumanu era kana voli mai Saroni.
Ia sa lewai ira na qele ni manumanu era tiko ena vanua veibuca o Safati na luve i Atilai tagane.
30A sa lewai ira na kameli o Opili na Isimelaiti.
A sa lewai ira na qele ni asa o Jeteia na kai Meronoci.
31A sa lewai ira na qele ni sipi kei na me o Jasisi na Akiraiti.
O ira kece oqo na i vakalesilesi liu era qarava na veika e taukena o Tevita na tui.
O Ira na Daunivakasala i Tevita na Tui32O Jonacani, na tamana lailai o Tevita, a sa dua na daunivakasala vinaka sa sinai sara ena vuku ka daunivolatabu o koya. A sa nona i tavi vata kei Jieli na luve i Akimoni tagane me rau qarava na nodra vakatavulici na luvena tagane na tui.
33Sa daunivakasala vua na tui o Eitofeli, ka sa nona i tokani voleka na tui ka nona daunivakasala talega o Usai na Arikati.
34Ni sa mate o Eitofeli, sa qai veisosomitaki o Epaiaca kei Jioiata na luve i Penaia tagane ki na cakacaka ni veivakasalataki. A sa komada voli ni nona mataivalu na tui o Joape.
Who We AreWhat We EelieveWhat We Do
2025 by iamachristian.org,Inc All rights reserved.
