1A sa kaya ko Jiova,
“O ni sa nanuma beka au sa vakatalai ira tani na noqu tamata
me vaka na tamata sa sereka na watina?
Evei ga na i vola vakadinadina ni veisere?
O ni nanuma beka au sa volitaki kemuni mo ni laki vesuki
me vaka na tamata sa volitaka na nona toa me bobula?
Raica o ni a kau yani vakabobula ena vuku ni nomuni i valavala ca;
O ni sa vakatalai tani ena vuku ni nomuni caka cala.
2A cava era sega ni tiko kina na noqu tamata
ena noqu lako yani me'u vakabulai ira?
A cava era sega ni rogo mai kina ni'u kaci yani?
Au sa rui malumalumu beka me'u ia na veivakabulai?
Sa rawa vei au me'u vakamamacataka na wasawasa ena noqu vosa ga,
Ka'u vukica na veiuciwai me vanua dravuisiga
Me ra mate kina na ika ni sa sega na wai.
3Au rawa ni vukica na lomalagi me butobuto,
Ka ubia ena i sulu taga.”
Na Talairawarawa ni Dauveiqaravi i Jiova4Sa vakavulici au ko Jiova ena ka me'u kaya
Me rawa ni'u vakaukauwataki ira kina era sa oca.
Sa vakauqeti au ena veimataka,
Me'u rogoca na ka ena vakavulica vei au.
5Sa dolava na daligaqu ko Jiova
Ka'u sa sega ni veisaqasaqa
Se gole tani mai vua.
6 Maciu 26.67; Mari 14.65 Au sa solia na dakuqu vei ira era vakanakuitataki au,
Ka vagolea na kumiqu vei ira era cavuta na vuti ni kumiqu,
Ka'u sega ni tabonaka na mataqu mai na madua kei na i kasivi.
7Ia sa sega ni mosi vei au na nodra veivakasewasewani,
Baleta ni sa vukei au ko Jiova.
Au sa qai vakaukauwataki au me vaka na vatu.
Au kila ni'u sa sega ni vakamaduataki,
8 Roma 8.33,34 baleta ni sa tiko voleka ga na Turaga,
O koya ena vakadinadinataka ni'u sega ni cala.
E dua li e via beitaki au ena so na ka?
Me keirau lako vata ki na mataveilewai,
Ka me kauta mai na ka e veibeitaki kina.
9Ko Jiova sara ga vakai koya ena vukei au,
O cei ena vakaraitaka rawa ni'u cala?
Era na yali kece o ira era beitaki au,
Ka ra na yali me vaka na i sulu sa kania na sarasara.
10Oi kemuni kece sa rerevaki Jiova
ka muria na vosa ni nona dauveiqaravi,
Kevaka sa rui butobuto sara na sala o ni lakova tiko,
ia mo ni vakadinati Jiova ga, ka vakararavi vua na nomuni Kalou.
11Oi kemuni kece o ni nakita mo ni vakarusai ira na tani,
Ena vakarusai kemuni na nomuni i naki.
Na Turaga sara ga vakai koya ena vakavuna me yaco na ka oqo;
O ni na sota kaya kina e dua na veivakararawataki ca sara.
Who We AreWhat We EelieveWhat We Do
2025 by iamachristian.org,Inc All rights reserved.
