1Ni seretaka e dua na sere vou vei Jiova!
Ni sere vei Jiova na vuravura taucoko!
2Ni sere vei Jiova ka vakacaucautaki koya!
Ni tukuna tikoga ena veisiga kece na i tukutuku vinaka
ni sa vakabulai keda o koya!
3Ni tukuna yani na nona lagilagi ki na veimatanitu,
Kei na nona cakacaka veivakurabuitaki vei ira na tamata kecega.
4Sa cecere ko Jiova ka sa dodonu me vakacaucautaki vakalevu;
Sa dodonu me rerevaki vakalevu mai vei ira na kalou kecega.
5Na nodra kalou na veimatanitu tani kece era sa matakau ga,
Ia, ko Jiova ga sa bulia na lomalagi.
6Sa wavoliti koya na lagilagi kei na i ukuuku;
Sa cecere ka rairai vinaka na nona vale tabu.
7Ni vakacaucautaki Jiova na tamata e vuravura kecega!
Ni vakacaucautaka na nona lagilagi kei na nona kaukauwa!
8Ni vakacaucautaka na yacana dokai;
Ni kauta mai na i soro ka lako mai ki na nona vale tabu.
9Ni cuva sobu ena mata i Jiova ni sa rairai mai;
Ni sautaninini e matana na vuravura kecega!
10Ni tukuna yani ki na veimatanitu kecega, “Ko Jiova na tui!
Sa vakataudeitaki o vuravura ka sa sega ni yavalati rawa;
Ena lewai ira na tamata o koya ena lewa dodonu.”
11Me reki o vuravura kei lomalagi!
Me vadugu mai na wasawasa kei na ka kecega sa tu kina;
12Me marau na veibuca kei na ka kecega sa tu kina.
Era na qai kaila ena reki na kau kecega mai veikau
13Ni sa lako mai ko Jiova me vakatulewa e vuravura.
Ena lewai ira na tamata kecega e vuravura
Ena lewa dodonu ka vinaka.
Who We AreWhat We EelieveWhat We Do
2025 by iamachristian.org,Inc All rights reserved.
