1Sa kilai vinaka tu e Juta na Kalou;
Sa rokovi ga na yacana e Isireli.
2Sa tiko na nona i tikotiko e Jerusalemi
Sa tiko mai na ulunivanua o Saioni.
3Sa musulaka mai kea o koya na nodra gasau ni dakaititi na meca,
Na nodra i sasabai, nodra i seleiwau kei na nodra i yaragi kecega.
4O ni sa lagilagi dina na Kalou,
O ni sa lagilagi ni o ni sa lesu mai ena veiulunivanua.
O ni vakadrukai ira kina na kemuni meca.
5Sa kau tani na nodra i tokinivalu na nodra sotia qaqa
Ka ra sa davo matemate tu;
Sa sega tale ni dua e vo me vakayagataka na nodra i yaragi.
6Ni o ni sa vosa vei ira na Kalou i Jekope
Era sa bale mate na nodra ose kei ira era vodoka.
7Ia, o ni sa rokovi ga ka rerevaki, oi kemuni Jiova.
O cei ena tu rawa e matamuni ni o ni sa cudru?
8O ni sa cakava me kilai na nomuni lewa mai lomalagi;
Sa taqaya o vuravura ka tu vakadua ena vakadirorogo,
9Ena nomuni sa duri cake mo ni vakatauca na nomuni lewa,
Me ra vakabulai kina o ira kece sa vakararawataki e vuravura.
10Na cudru ni tamata sa vakavuna ga mo ni dokai vakalevu;
O ira era bula ena i valu era dauqarava na nomuni solevu.
11Ni solia vua na Kalou na ka o ni sa yalataka vua
Ni kauta mai vua na nomuni ka ni loloma, na matanitu voleka.
Sa vakavuna na Kalou me ra rerevaki koya na tamata kecega.
12Sa vakamalumutaki ira na ravouvou dokadoka o koya,
Ka vakarerei ira na tui kei vuravura.
Who We AreWhat We EelieveWhat We Do
2025 by iamachristian.org,Inc All rights reserved.
