1I Jiova na noqu uluvatu, au sa tagi yani oqo vei kemuni.
Ni rogoci au mai ni'u sa masuti kemuni!
Kevaka o ni na sega ni rogoci au,
au sa na vakataki ira sa tiko ena nodra vanua na mate.
2Ni rogoca mada na noqu masu ni kere veivuke,
Ka'u sa dodoka yani na ligaqu ki na nomuni vale tabu.
3Ni kakua ni vakarusai au vata kei ira na tamata ca
O ira era sa dau kitaka na i valavala ca;
O ira sa daumaka na nodra vosa,
ia, na yalodra sa sinai sara ena veicati.
4 Vtaki 22.12 Ni totogitaki ira ena vuku ni veika era cakava,
Na veika ca kece era vakayacora.
Ni totogitaki ira ena vuku ni veika kece era sa cakava
Ni sauma vei ira na veika e dodonu me tau vei ira.
5Era sa sega ni bau kauwaitaka na ka sa cakava ko Jiova,
Ena veika sa bulia;
Ia ena totogitaki ira o koya,
Ka vakarusai ira me tawa mudu.
6Au na vakacaucautaki Jiova,
Ni sa rogoca na noqu masu ni kere veivuke!
7Sa taqomaki au ka maroroi au ko Jiova,
Au sa vakadinati koya.
Sa vukei au o koya, ia ka'u sa marau
Ka laga sere me'u vakacaucautaki koya.
8Sa taqomaki ira na nona tamata ko Jiova
Sa taqomaka ka vakabula na nona tui digitaki.
9Kemuni na Turaga, ni vakabulai ira na nomuni tamata,
Ka vakalougatataki ira era sa nomuni.
Mo ni sa nodra i vakatawanisipi,
Ka maroroya na nodra bula me tawa mudu.
Who We AreWhat We EelieveWhat We Do
2025 by iamachristian.org,Inc All rights reserved.
