1A buli o Joasa me tui ni a qai vitu na nona yabaki ni bula, a veiliutaki tiko mai Jerusalemi, ka vasagavulu na yabaki. Na yaca i tinana o Sipia mai Perisepa.
2A cakava o Joasa na ka e dodonu ena mata i Jiova ena gauna kecega a bula kina o Jioiata na bete.
3A vakawatitaki koya o Jioiata kei rau e rua na yalewa, ka vakatubura eso na luvena tagane kei na so na luvena yalewa.
4Ni oti na ka oqo, a nanuma o Joasa me vakavinakataka tale na vale i Jiova.
5A sa vakasoqoni ira vata na bete kei ira na Livai, ka kaya vei ira, “Ni lako yani ki na nodra veikoro na Juta ka kumuna na i lavo lavaki ena veiyayabaki mai vei ira kece na Isireli me vakavinakataki tale kina na Valenisoro; ka raica mo ni cakava vakatotolo na ka oqo.” Ia, era a sega ga ni cakava totolo na Livai.
6Lako 30.11-16Ena ka oqo, a sa kacivi Jioiata na i liuliu ni bete kina na tui, ka kaya vua, “A cava o sega ni raici ira kina na Livai me ra la'ki kumuna mai Juta kei Jerusalemi na i vakacavacava ka a lavaka o Mosese, na i talatala i Jiova, me ra sauma na lewenivanua ena vuku ni Vale ni Veitavaki?”
7(O ira na i lawalawa i Acalaia, na yalewa ca o ya, era a vakacacana na Valenisoro ka vakayagataka na kena i yaya vakatabui ena sokalou vei ira na Peali.)
8Era a cakava e dua na kato, ni a vakaroti ira kina na tui, ka ra vakatikora e tautuba mai na matamata ni vale i Jiova.
9Era a kacivaka raraba ena veiyasana vaka-Juta kei Jerusalemi, me kau mai vei Jiova na i yau ka a lavaka o Mosese na i talatala ni Kalou vei ira na Isireli ena vanua dravuisiga.
10Era a marau kece na turaga, kei ira kece na lewe ni vanua, ka ra kauta mai na nodra i vakacavacava ka biuta ki na kato, me yacova sara ni soli oti.
11Ia ni ra a kauta mai na kato na Livai vei ira ka a lesi ira na tui, era raica ni levu sara na i lavo era kumuna ena kato, e rau a dau lako mai na nona vunivola na tui, kei na tamata ni bete levu, ka vakalala na kato, ka kauta tale ki na kena i tutu. Era a cakava vakakina ena veisiga, ka levu sara na i lavo a kumuni kina.
12E rau a solia na i lavo oqo na tui kei Jioiata vei ira era a lewa na cakacaka ena vale i Jiova; a qai nodra i tavi me ra saumi ira na matai ni vatu, kei na matai ni kau ka vakakina o ira na matai ni kaukamea kei na parasa, me ra vakavinakataka na vale i Jiova.
13Era a cakacaka na matai, ka toso vinaka na cakacaka ni vakavinakataki vale ena cakacaka ni ligadra, ka vakacavari vakavinaka na vakavinakataki ni Vale ni Kalou me vaka ena kena i tutu dina, e liu.
14Ia ni ra vakaotia, era a qai kauta tale mai vua na tui kei Jioiata na i lavo a vo, ka me caka kina na i yaya ni vale i Jiova, na i yaya ni qaravi ni cakacaka, kei na vakacaboisoro, na i tutu ni ka boi vinaka, na bilo koula kei na bilo siliva. Era a vakacabora tiko eso na i soro kama ena vale i Jiova ena veisiga kecega i Jioiata.
15Ia a qase mai o Jioiata, ka dede sara na nona gauna ni bula, a qai mate; a yabaki dua na drau tolusagavulu na dede ni nona bula, ena siga a mate kina.
16Era a buluti koya ena koro i Tevita, ka bulu vata kina kei ira na tui, baleta ni a caka vinaka e Isireli o koya, ka vakakina vua na Kalou kei na nona mataqali.
17Ia ni sa mate o Jioiata, era a lako mai na turaga ni Juta, ka mai vakarokoroko vua na tui, ka ciqomi ira o koya.
18Era a biuta na vale i Jiova na Kalou ni nodra qase, ka qarava na kalou yalewa ni veikau kei na nodra matakau. A yaco na cudru vei ira na Juta kei ira mai Jerusalemi me baleta na nodra valavala cala oqo.
19Ia a tala eso na parofita o koya, me la'ki vakalesui ira tale vei Jiova; era a beitaki ira ena vuku ni nodra i valavala, ka bese ga ni rogoci ira.
20 Maciu 23.35; Luke 11.51 A curu na Yalo ni Kalou vei Sakaraia na luve i Jioiata na bete; ka tu cake vei ira na tamata, ka kaya, Sa vosa vakaoqo na Kalou, A cava li o ni sa vakacacana kina na vunau i Jiova, ka dredre kina na tiko vinaka? E baleta ni o ni sa biuti Jiova, ka sa biuti kemuni talega o koya.
21Ia era a bukia na kena vere, ni a vakarota na tui me ra vakaviriki koya ena vatu ena rara ni vale i Jiova.
22Ia a sega mada ga ni bau nanuma o Joasa na tui na nona dau cakacaka ena yalodina ki vua o Jioiata, na tama i Sakaraia; ia sa vakamatei luvena ga. Ia ni vakarau mate o Sakaraia, a kaya cake mai, Me raica ko Jiova na ka o sa cakava oqo, ka sauma lesu vei iko!
Na i Cavacava ni Veiliutaki i Joasa23Ena mua ni yabaki o ya, a sa valuti Juta kei Jerusalemi na mataivalu ni Siria ka vakamatei ira kece na i vakalesilesi vei ira na lewe ni vanua, ka kauta e dua na i tokinivalu levu ki Tamasiko vua na nodra tui.
24Era lewe lailai ga na mataivalu ni Siria, ia sa solia ki ligadra ko Jiova me ra vakadruka na nodra mataivalu levu na Juta baleta ni ra sa biuti Jiova na Kalou ni nodra qase. Oqo na sala e totogitaki kina o Joasa na tui.
25Ena gauna era lesu kina na kai Siria, a sa mavoa bibi koto mai o Joasa. A sa bukiveretaki koya ka vakamatei koya ena nona i mocemoce na nona vakailesilesi me saumi lesu kina na nona a vakamatea na luve i Jioiata na bete. A sa mate o Joasa ka sa bulu ena koro i Tevita, ia e sega ga ni bulu ena nodra i bulubulu na tui.
26Ia o rau na bukiveretaki koya o Sapati na luve i Semeaca, e dua na yalewa ni Amoni, kei Jiosevata na luve i Semerice e dua na yalewa ni Moapi.
27Ia na i vakamacala me baleti ira na luvena tagane, kei na i colacola bibi ka bikai kina, kei na kena vakavinavinakataki tale na Valenisoro, a volai tu ena i vakamacala ni Kedra i Vola na Tui. A buli me tui o Amasaia na luvena me kena i sosomi.
Who We AreWhat We EelieveWhat We Do
2025 by iamachristian.org,Inc All rights reserved.
