1I Jiova, sai kemuni na noqu Kalou,
Au na vakalagilagi kemuni
Ka vakacaucautaka na yacamuni.
O ni sa cakava oti na veika talei,
O ni sa nakita sara mai liu,
Na veika sa dina ka tudei.
2O ni sa cakava na veikoro me ra rusa,
Ka vakarusa na kedra bai.
Na nodra i tikotiko vakaturaga na kai tani,
Sa takali yani vakadua.
3Era na vakacaucautaki kemuni mai na
Veimatanitu qaqa,
Ka ra na rerevaki kemuni mai na veimatanitu rerevaki.
4Era sa dro mai vei kemuni na tamata
Dravudravua kei na vakaloloma,
Ka ra sa mai taqomaki vei kemuni ena gauna ni leqa.
O ni sa taqomaki ira mai na cagilaba,
Ka vakarurugi ira mai na katakata.
Ni sa vaka e dua na cagilaba batabata,
Na nodra kaba mai na tamata i tovo kaukauwa,
5Ka sa vaka na katakata ena vanua mamaca.
Ia sai kemuni na Turaga o ni sa vagalui
Ira na neimami meca,
O ni sa vakaotia na nodra kaikaila na tamata i tovo kaukauwa,
Me vaka na o sa vakaruguya e dua na siga katakata.
Sa Vakarautaka na Kalou na Magiti6Ena vakarautaka ko Jiova ni lewevuqa ena ulunivanua oqo
Na solevu ni kakana sau lelevu, kei na solevu ni waini makawa,
Io na kakana sau lelevu sa sinai ena uro ni sui,
Kei na waini makawa sa makare sara.
7Ena vanua oqo ena kauta tani vakasauri kina o koya
Na o ni rarawa sa ubia koto na veimatanitu kecega.
8 1Kori 15.54; Vtaki 7.17; 21.4 Ena qai vakarusai mate vakadua ko Jiova,
Ka na qusia na wai ni matadra kecega na tamata,
Ka kauta tani na veivakamaduataki
Era sota kaya na nona tamata e vuravura taucoko,
Ni sai Jiova ga sa kaya vakaoqo.
9Ena siga o ya era na kaya na tamata kecega,
“Sa noda Kalou o koya!
Eda sa waraki koya,
Me mai sereki keda.
Sa i koya oqo ko Jiova;
Me da mai reki ka marau
Ena nona veivakabulai.”
Na Kalou ena Totogitaki Moapi10 Aisea 15.1—16.14; Jere 48.1-47; Isi 25.8-11; Emo 2.1-3; Sefa 2.8-11 Ena taqomaka na ulunivanua o Saioni ko Jiova,
Ia era na buturaki sobu na kai Moapi
Me vaka na co sa buturaki sobu ena i sovasova ni benu.
11Era na dodoka yani na ligadra me vaka era saga me ra qalo,
Ia ena dreta sobu ko Jiova na nodra dokadoka
Vata kei na kaukauwa ni ligadra.
12Ena vakarusa na Kalou na bai cecere kei Moapi
Ka basuraka sobu ki na qele.
Who We AreWhat We EelieveWhat We Do
2025 by iamachristian.org,Inc All rights reserved.
