VAKARUA 24 - Ai Vola Tabu Ena Vakavakadewa Vou（FNV）

Na Veibiu kei na Vakawati Vou Tale

1Kevaka e dua na tagane sa vakamautaka e dua na yalewa, ia e muri sa qai sega ni vinakati koya baleta ni sa kunea vua eso na i vakarau e sega ni taleitaka, ka sa vola e dua na i volatara ni veibiu ka solia vua, ka vakatalai koya tani yani mai na nona i tikotiko,

6Kevaka o ni solia vakadinau vua e dua na tamata e dua na ka, ni kakua ni taura na nona vatu ni qaqi sila me i vakadinadina ni veiyalayalati. Oqo ena kauta tani na i yaya e dau vakarautaki kina na kedratou kakana vakamatavuvale me ratou bula kina.

7O koya vei kemuni e vesuka e dua tale na luve i Isireli, ka vakabobulataki koya, se volitaki koya yani ena makete ni bobula, me vakamatei na tamata o ya. Ena sala o ni na vakawabokotaka kina na i tovo ca oqo.

8Ena vuku ni vukavuka, ni qarauna mo ni vakayacora vinaka na ka kece era sa tukuna na bete na luve i Livai vei kemuni. Mo ni muria vinaka na i vakasala kece au sa solia vei ira.

10Kevaka o ni solia vakadinau e dua na ka vua e dua na tamata, ni kakua ni curu ki na nona vale ka la'ki kauta mai na i sulu ena solia mei vakadei ni veiyalayalati.

17Mo ni kakua ni kauta tani na nodra dodonu na kai matanitu tani kei ira talega na luveniyali. Kua sara ni kauta na nona i sulu e dua na yada me i vakadei ni ka sa kerea.Lako 23.9; Vsoro 19.33-34; Vrua 27.19

18Nanuma ni o ni a bobula mai Ijipita, a qai sereki kemuni mai kea ko Jiova na nomuni Kalou. Sai koya oqo au sa solia kina vei kemuni na i vakaro oqo.

19Ni o ni sa kumuna na ka o ni a tea, o ni mani sega ni kumuna mai eso na sila o ni a tamusuka, ni kakua ni lesuva tale. Me ra biu ga me kedra na vulagi, na luveniyali, kei na yada; ena vakalougatataki kemuni kina ko Jiova na nomuni Kalou ena ka kecega o ni cakava.Vsoro 19.9-10; 23.22

20Ni o ni sa betia oti na nomuni vua ni olive, kakua ni lesuva tale na kena vo. Me biu tu ga me kedra na vulagi, na luveniyali kei na yada.

21Ni o ni sa kumuna oti na nomuni qerepi, ni kakua ni lesuva tale vakarua. Na qerepi era vo tu me qai medra na luveniyali, na vulagi kei na yada.

22Mo ni kakua sara ni guilecava ni o ni a bobula mai Ijipita; sai koya oqo au sa solia kina vei kemuni na i vakaro oqo.