1Ena i ka 24 ni siga ni vula oqo, era a soqoni vata na Isireli me ra lolo, ka ra a vakaisulu taga ka biuta na soso ki na uludra me vakatakila na levu ni nodra rarawa.
2Era a wasei ira tani na Isireli mai vei ira na kai veimatanitu tani, era a tucake tu ka vakatusa na nodra i valavala ca kei na nodra caka cala na nodra qase.
3Era a tu ga ena vanua era a dui tucake tu kina ka sa wiliki mai na i vola ni Lawa i Jiova na nodra Kalou, a sa tolu na aua na kena dede. Ia ena tolu tale na aua ka tarava, era sa ia na vakatutusa i valavala ca kei na masu vei Jiova na nodra Kalou.
4E ratou a tucake tu ena nodra vatavata na Livai o Jesua, o Bani, o Katimieli, o Sipanaia, o Puni, o Siripaia, o Bani kei Kinani ka ra tagi vakadomoilevu vua na nodra Kalou.
5E ratou a qai kaya mai na Livai, o ya o Jesua, o Katimieli, o Bani, o Asapinaia, o Siripaia, o Otaia, o Sipanaia kei Peceaia, ‘Mo ni tucake ka vakavinavinaka vei Jiova na nomuni Kalou,’ ka kaya, ‘Me vakavinavinakataki na yacamuni lagilagi sa uasivi cake na kena rokovi mai na vakavinavinaka kei na vakacaucau kecega, ka tawa mudu.’
Na Masu ni Vakatutusa6A qai masu o Esera: “Sa i kemuni duadua ga ko Jiova; o ni sa bulia na lomalagi kei na veikalokalo ni lomalagi. O ni sa bulia na vuravura, na wasawasa, kei na ka kecega; o ni sa solia na bula ki na veika kecega. Sa cuva sobu ka sokalou vei kemuni na kaukauwa vakalomalagi eso.
7Sa i kemuni ga ko Jiova na Kalou ka a digitaki Eparama, ka kauti koya tani mai na vanua o Uri mai Papilonia; ka veisautaka na yacana me o Epara-ama.
9“O ni a raica na veika rarawa era a sota kaya mai Ijipita na neimami qase; ka rogoca na nodra tagi ena wasa Damudamu.
16Ia sa tubu cake ga na nodra dokadoka kei na qaciqacia na neimami qase ka ra sega ni vakarorogo ki na nomuni i vakaro.
26Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.Dvei 2.11-16
27O koya oqo o ni a qai soli ira kina ki na ligadra na kedra meca me ra vakararawataki kina. Ni ra a rarawa, era a qai tagi vei kemuni, ka o ni a rogoci ira mai lomalagi. Ia me vaka ga na nomuni dauveivosoti levu, o ni a qai solia vei ira eso na i liuliu me vakabulai ira mai vei ira na kedra meca.
28Ena gauna ni sautu era a qai valavala ca tale e matamuni. Ia o ni a soli ira tale ki na ligadra na kedra meca me ra lewai mai vei ira. Ni ra sa veivutuni ga ka tagi vei kemuni, o ni a qai rogoci ira tale mai lomalagi, ka sa vuqa na nomuni dau vakabulai ira ena vuku ni nomuni dau yalololoma.
29O ni a qai vakasalataki ira tale me rawa kina ni ra vakalesui ki na nomuni Lawa. Ia era a viavialevu ga ka sega ni talairawarawa ki na nomuni vakaro ka ra i valavala ca tikoga ki na nomuni lawa - o koya ena bula kina na tamata ke muria vakadodonu. Era a vakaduduile tikoga ka vakadomoqataki ira ka sega sara ni bau talairawarawa.Vsoro 18.5
30O ni a vosoti ira tikoga ka vuqa na yabaki ka vakasalataki ira na Yalomuni ka tiko vei ira na nomuni parofita, ia era a sega ga ni via rogoca. O koya o ni a soli ira tale kina ki na ligadra na lewe ni vanua.2Tui 17.13-18; 2Vei 36.15,16
31Ia sa ka levu ga na nomuni veivosoti, ka sega kina ni o ni vakawabokotaki ira, se biuti ira laivi vakadua; ka ni oi kemuni o ni sa Kalou yalololoma ga ka dauveivosoti.
32‘O koya oqo, kemuni na neimami Kalou, na Kalou levu, qaqa ka rerevaki, o koya sa vakayacora na nona yalayala kei na nona loloma tudei, me kakua mada ni rairai lailai vei kemuni na veika rarawa sa yacovi keimami oti, kei ira na neimami tui, na neimami turaga, na neimami bete, na neimami parofita, na neimami qase kei ira kecega na nomuni tamata, me tekivu mai na nodra gauna na tui Asiria ka yacova na siga oqo.2Tui 15.19,29; 17.3-6; Esera 4.2,10
33O ni sa dodonu ena veika kece sara a yaco oti vei keimami baleta ni o ni a vakayaco ka ena yalodina; ia o keimami ga keimami sai valavala dukadukali.
34O ira na neimami tui, na neimami turaga, na neimami bete kei ira na neimami qase era a sega sara ni bau muria na nomuni lawa se kauwaitaka na nomuni vakasala kei na nomuni i vakaro o ni a solia vei ira.
35Ena nodra matanitu sara mada ga kei na nomuni yalo vinaka levu o ni a solia vei ira kei na vanua vakaitamera ka qai bula o ni a vakarautaka me nodra, era a sega sara ga ni qaravi kemuni kina ka sega ni saumaki mai na nodra cakacaka dukadukali.
36Ni raica mada, keimami a bobula ena gauna oqo; io, ena vanua o ni a solia vei ira na neimami qase me ra vakayagataka na vuana kei na veika ni loloma vinaka kecega a tu kina; ia, ka raica, keimami a bobula tikoga.
37Na vua ni qele vivinaka kecega a kau yani vei ira na tui, o ira o ni a soli keimami vei ira baleta na neimami i valavala ca. Era a lewa na yago i keimami kei na neimami manumanu ka ra kitaka kina na ka ga era vinakata, ia oi keimami, keimami sa vakaloloma sara vakaca.’
38Ena vuku ni veika kecega oqo, keimami a cakava kina ka vola sara e dua na yalayala tudei o koya era a sainitaka ka tukidregata o ira na neimami turaga, o ira na neimami Livai kei ira na neimami bete.
Who We AreWhat We EelieveWhat We Do
2025 by iamachristian.org,Inc All rights reserved.
