1Sa vakatakila vinaka na lagilagi ni Kalou na lomalagi!
Ka sa dusia vakamatata na maliwa lala na cakacaka ni ligana.
2Na veisiga yadua sa vakasavu i tukutuku yani ki na siga ka tarava,
Ka tukuna tale na bogi yadua ki na bogi ka tarava.
3Sa segai na i tukutuku se vosa me vakayagataki,
Ka sega na ka e rogoci;
4 Roma 10.18 Ia na nodra i tukutuku sa lako yani ki na vuravura taucoko,
Ka sa rogoci ena i yalayala kei vuravura;
A sa vakarautaka na Kalou na vale i matanisiga;
5Sa kida cake ena mataka me vaka na tagane vou mamarau,
Me vaka na daucici sa nanamaki ki na veitaucici.
6Sa tekivu mai na dua na yasa ni maliwa lala,
Ka lako takoso ki na yasana kadua.
Sa sega na ka e rawa ni vuni mai na kena katakata.
Na Lawa i Jiova7Sa vinaka sara na lawa i Jiova;
Ka sa dau solia na bula vou.
Sa yaga sara na veivakaro i Jiova,
Ka sa solia na vuku vei ira sa sega vei ira.
8Sa dodonu na lewa i Jiova,
Ka sa marau o ira kecega sa muria.
Sa vinaka taucoko sara na nona veivakaro,
Ka sa solia na kila-ka kei na vakasama.
9Sa savasava na rerevaka na Kalou;
Sa tudei ga ka tawa mudu.
Sa dodonu sara na vakatulewa i Jiova
Ka sa vinaka kecega.
10Era sa gadrevi cake mai na koula,
Ka uasivi cake mai na koula vinaka sara.
Sa kamikamica cake mai na oni vinaka sara.
11Era sa solia vei au na nomuni dauveiqaravi na kila-ka,
Ka'u sa saumi ena noqu muri ira.
12Sa sega ni dua e rawa ni raica vakataki koya na nona cala;
Ni sereki au mai na noqu cala sa vuni tu.
13Ni taqomaki au mai na ca au taleitaka
Ni kakua talega ni laiva me ra lewai au.
Au sa na qai vinaka kina,
Ka galala mai na veivalavala ca rerevaki.
14Me dodonu e matamuni Jiova na noqu vosa kei na vakasama,
Sa i kemuni na noqu i drodro kei na noqu i vakabula.
Who We AreWhat We EelieveWhat We Do
2025 by iamachristian.org,Inc All rights reserved.
