1 VEIGAUNA 22 - Ai Vola Tabu Ena Vakavakadewa Vou（FNV）

1Sa qai vakarota o Tevita, “Oqo na vanua ena tara kina na vale i Jiova na Kalou. Oqo na i cabocabonisoro me ra mai vakacabora kina na nodra i soro kama na Isireli.”

Na Vakavakarau ki na Tara Valenisoro

2A sa qai vakarota o Tevita na tui me ra soqoni vata yani o ira kece na vulagi era sa tiko ena nodra vanua na Isireli ka vakacakacakataki ira. Eso vei ira era a vakarautaka na vatu buloko ni tara Valenisoro.

3A sa solia vakalevu o Tevita na kaukamea me buli kina na i vako kei na i qaso ni sogo ni veimatamata kau; a sa levu sara na parasa ka sa sega ni dua me vakarautaka rawa na kena bibi.

4A sa veivosakitaka vei ira na kai Taia kei Saitoni me ra kauta vakalevu mai vua na kau sitari.

5A sa nanuma vakaoqo o Tevita, “Na Valenisoro me na tara oqo o Solomoni na luvequ e dodonu me daumaka sara ka rogo levu e vuravura. Ia e se gone sara o koya ka lecaika, ka sa dodonu kina me'u tekivu vakarautaka eso na ka.” A sa binia rawa tu kina o Tevita e dua na i wase levu ni yaya ni tara vale ni se bera ni mate.

6A qai talatala vua na luvena o Solomoni ka vakaroti koya me tara e dua na vale tabu i Jiova, na nodra Kalou na Isireli.

7A sa tukuna vua, “I na luvequ, au a vinakata me'u tara e dua na vale tabu me dokai kina ko Jiova na noqu Kalou. baleta ni'u na solia vei Isireli na bula vakacegu kei na bula sa taqomaki ena gauna ni nona veiliutaki vakatui.

10O koya me na tara e dua na vale tabu me noqu. Ena luvequ o koya, ka'u na tamana oi au. Na nona kawa vakatui ena veiliutaki e Isireli ka tawa mudu.’ ”

11A sa tomana na nona vosa o Tevita, ka kaya, “Ia oqo, na luvequ, me tiko ga kei iko ko Jiova na nomu Kalou, ka me yaco na nona vosa ni yalayala mo rawata vakavinaka kina na kena tara e dua na vale tabu vei Jiova.

12Me solia ko Jiova na nomu Kalou vei iko na vuku kei na yalomatua, me na rawa kina ni o liutaki Isireli me vaka na nona Lawa.

13Kevaka o na talairawarawa ki na lawa kecega sa solia ko Jiova vei Mosese me baleti Isireli, o na yaco mo tamata qaqa ena rawa-ka. Mo yaloqaqa ka lomadei, ka kakua sara ni vakatara e dua na ka me vakarerei iko.Josua 1.6-9

14Ia me baleta na Valenisoro ena vuku ni veika au sa sasagataka rawa, au sa kumuna rawa e sivia na 3,000 na tani na koula kei na sivia e 34,000 na tani na siliva me vakayagataki ena tara vale. Me kena i kuri oqori, sa tu talega na parasa kei na kaukamea ka sega ni yalani na kena levu. Au sa vakarautaka talega na kau kei na vatu, ia mo qai kuria o iko.

15Era sa lewe levu sara na nomu tamata cakacaka. Sa tiko o ira me ra cakacaka ena i qaqinivatu, era sa tiko o ira na matai ni ta vatu kei ira na mataisau, era sa tiko talega e dua na i wase levu ni tamata era liga maqosa ena veimataqali cakacaka eso sa caka

16ena koula, kei na siliva, kei na parasa, vata kei na kaukamea. Ia oqo, mo tekivutaka sara na cakacaka, ena tiko vata kei iko ko Jiova.”

17A sa vakaroti ira na nodra qase na Isireli o Tevita me ra vukei Solomoni.

18A sa kaya o koya, “Ko Jiova na nomudou Kalou sa dau tiko vata kei kemudou ka solia vei kemudou na bula vakacegu ena veiyasana kecega. A sa vakavuna o koya me'u vakadrukai ira kece sara na tamata era a taukena tu e liu na vanua oqo, ka ra sa vakarorogo ka qali tu oqo vei kemuni ka vakakina vei Jiova.

19Ia oqo, ni qaravi Jiova sara na nomuni Kalou ena lomamuni kei na yalomuni taucoko. Ni tekivu tara na Valenisoro, me rawa ni la'ki maroroi kina na Kato ni Veiyalayalati i Jiova, ka vakakina na i yaya tabu kece sara sa vakayagataki ena qaravi ni sokalou ki vua.”