1
8Au na yadrava na noqu vanua me kakua na mataivalu tani e takosova. Au na sega ni vakatarai ira tale vakadua na tui dauveivakararawataki me ra vakasaurarataki ira tale vakadua na noqu tamata.”
Na Tui me Namaki9 Maciu 21.5; Joni 12.15 Ni reki ka marau
Oi kemuni na kai Saioni!
Ni kaila ena marau levu
Oi kemuni na kai Jerusalemi!
Raica, sa lako tiko mai vei kemuni
o koya na nomuni tui!
Sa lako mai ena lagilagi kei na qaqa,
Ia sa yalo malumalumu ga
Ka vodoka voli na luve ni asa.
10 Same 72.8 Sa kaya vakaoqo ko Jiova,
“Au na kauta laivi na qiqinivalu mai Isireli,
Ka kauta tani na ose mai Jerusalemi;
Ena vakarusai na dakaititi
Era a vakayagataki ena i valu.
Ena cakava na nomuni tui
Na nodra veivinakati na veimatanitu;
Ena lewa o koya na wasawasa e dua
ki na wasawasa kadua.
Mai na uciwai na Uferetisi ki na i yalayala kei vuravura.”
Vakabau Tale na Tamata ni Kalou11 Lako 24.8 A sa kaya ko Jiova,
“Ena vuku ni noqu veiyalayalati kei kemuni,
O koya sa dregati ena dra ni soro,
Au na sereki ira kina na kai nomu
Me ra sereki mai na i keliwai maca ni tiko vakabobula.
12Ni lesu mai,
Oi kemuni ka a tiko vakabobula
Ka sa tiko oqo na nomuni nuinui.
Lesu mai ki na nomuni i vakavakaruru.
Au sa tukuna oqo vei kemuni,
Ni'u na vakaruataka vei kemuni na kalougata
Me i sau ni ka rarawa kecega
O ni a sota kaya.
13Au na vakayagataki Juta
Me vaka na dakaititi ni sotia,
Kei Isireli me vaka na moto saisai.
Au na vakayagataki ira na tagane ni Saioni
Me vaka e dua na i seleiwau,
Ka me'u vala kina kei ira na kai Kirisi.”
14Ena qai basika ko Jiova mai deladra na nona tamata;
Ka na vaka na tatibi ni liva na nona vanataka na nona gasau.
Ena uvuca na davui ko Jiova na Kalou;
Ka na butuka yani na cagilaba mai na ceva.
15Ena taqomaki ira na nona tamata ko Jiova ni lewevuqa
Ka ra na vakarusai ira na kedra meca;
O koya ena drodro yani
Me vaka na dra ni dua na i soro;
Ka sovaraki mai na dua na bilo
Ki na dela ni cabocabonisoro.
16Ni yaco mai na siga o ya,
Ena qai vakabulai ira na nona tamata o Jiiova,
Me vaka na nona taqomaki ira na sipi mai na leqa
O koya na kedra i vakatawa.
Era na caudre ena nona vanua
Me vaka na caucaudre ni vatu talei ni dua na i sala vakatui.
17Sa na qai totoka tu
Ka rairai vinaka na vanua!
Era na tubu cake ka kaukauwa sara
Na i tabagone ena vuku ni sila kei na waini.
Who We AreWhat We EelieveWhat We Do
2025 by iamachristian.org,Inc All rights reserved.
