1A talatala o Esekaia vei ira kece na Isireli kei ira na Juta, ka vola talega eso na i vola vei ira na Ifereimi kei ira na Manasa ka sureti ira me ra lako mai ki na vale i Jiova e Jerusalemi, ka qarava kina na Solevu ni Lakosivia vei Jiova na nodra Kalou na Isireli.
2Era sa bosea vata na tui kei ira na nona i vakalesilesi, kei ira na i soqosoqo taucoko e Jerusalemi me solevutaki na Lakosivia ena i karua ni vula.Tiko 9.9-11
3E a yaco oqo ena vuku ni kena a sega ni ia na solevu ena kena gauna dodonu baleta ni ra a sega tu ni vakasavasavataki ira vakavinaka na bete me rauta na kedra i wiliwili, ka ra sega talega ni soqoni ira vata mai na tamata ki Jerusalemi.
4Na i tuvatuva oqo e sa dodonu mai vua na tui kei ira kece sa vakasoqoni vata mai.
5Era a vakarota kina me dua na kena kacivaki raraba e Isireli taucoko, me vakatekivu mai Perisepa ka yaco ki Tani, ka me ra lako mai na tamata me mai caka na solevu ni Lakosivia e Jerusalemi vei Jiova na nodra Kalou na Isireli; ni sa dede na gauna era sega ni qarava vakalewe levu kina na i valavala oqo me vaka sa volai.
6Era a lako yani na i talai ki na veivanua e Isireli, ka ra kauta yani na nona i vola na tui, kei ira na nona turaga, me vaka a vakarota na tui, ka kaya, Oi kemuni na Isireli, mo ni lesu tale vei Jiova na Kalou i Epara-ama, i Aisake, kei Isireli, ena qai golevi kemuni o koya, oi kemuni na vo-ni-bula ka dro mai na ligana na tui Asiria.
7Ni kakua ni vakataki ira na nomuni qase, kei ira na wekamuni, ni ra sai valavala ca vei Jiova na Kalou ni nomuni qase, ka laivi ira kina o koya me ra rusa, me vaka o ni a raica e matamuni.
8Ia mo ni kakua ni domo qa kina, me vakataki ira na nomuni qase, mo ni soli kemuni vei Jiova, ka curuma na nona vale tabu, a vakatabuya tu o koya me tawa mudu, ka qaravi Jiova na nomuni Kalou, me gole tani kina mai vei kemuni na nona cudru waqawaqa.
9Ia kevaka o ni lesu tale vei Jiova, era na kune loloma mai vei ira era vakabobulataki ira o ira na wekamuni, kei ira na luvemuni, ka lesu tale mai ki na vanua oqo. Sa yalo vinaka ka yalololoma ko Jiova na nomuni Kalou, ka na sega ni rawa ni vagolea tani mai vei kemuni na matana, kevaka o ni lesu vua.
10Era a kau i vola na i talai ki na veikoro ena nodra veiyasana na Ifereimi kei na Manasa, me yaco sara yani ki Sevuloni; ia era a dredrevaki ira sara, ka vakalialiai ira.
11Era lewe vica wale sara mai vei ira na Aseri, na Manasa, kei Sevuloni, era a vakamalumalumutaki ira, ka ra lako mai ki Jerusalemi.
12A koto e Juta na liga ni Kalou me vakalomavatataki ira, me ra mai cakava na ka a vakarota na tui kei ira na nona turaga me vaka na vosa i Jiova.
13Era a soqoni vata yani ki Jerusalemi era lewe vuqa na tamata me ra qarava na Solevu ni Madrai Sega ni Vakatubu, ena i karua ni vula.
14Era a tekivu kauta tani na i cabocabonisoro eso a tu e Jerusalemi kei na i cabocabonisoro kecega ni ka boi vinaka, ka ra a kauta tani ka biuta ki na bucabuca o Kitironi.
15Era a vakamatea na lami ni Lakosivia ena i katinikava ni siga ni karua ni vula. O ira na bete kei ira na Livai ka ra sega ni savasava era sa madualaki ira, ka ra la'ki vakasavasavataki ira kauta mai na i soro kama ki na vale i Jiova.
16Era a dui tu ena nodra tikina me vaka na kena i valavala, me vaka na vunau i Mosese na i talatala ni Kalou; era a kuretaka na bete na dra ka ra solia yani vei ira na Livai.
17Me vaka ni ra lewe vuqa vei ira na tamata era se sega tu ni savasava, sa tabu vei ira me ra vakamatea na lami ni Lakosivia, ka ra vakaitavi duadua kina na Livai ena vakarautaki ni lami oqo kei na kena vakacabori.
18E lewe vuqa sara vei ira na tamata mai Ifereimi, kei Manasa, kei Isakari, vata kei Sevuloni era a sega tu ni vakasavasavataki ira, ia era sa kania ga na kakana ni Lakosivia, ka sega kina ni muria na veika sa volai. A masulaki ira o Esekaia, ka kaya, Kemuni na Kalou vinaka ko Jiova, ni vosoti ira mada na tamata yadua
19era sa vakadeitaka e lomadra me ra vakasaqara na Kalou, ko Jiova na Kalou ni nodra qase, ka dina ga ni ra sa sega ni savasava me vaka na i vakarau tudei ni vakacacabo.
20A sa rogoci Esekaia ko Jiova, ka sa vakabulai ira na tamata.
21O ira na Isireli era a tiko mai Jerusalemi era a qarava na Solevu ni Madrai Sega ni Vakatubu me siga vitu, ka vakayacori kina e dua na marau levu. Era a vakavinavinaka vei Jiova na Livai kei ira na bete ena veisiga, ka ra tabalaka na sere kei na i vakatagi domoilevu vei Jiova.
22A sa tauca na vosa ni veivakayaloqaqataki o Esekaia vei ira kece na Livai ka ra vakaraitaka na nodra maqosa ni veiqaravi vei Jiova.
Ai Karua ni SolevuNi oti na siga vitu ni solevu ka ra a vakacabora kina na i soro me vakavinavinakataki kina ko Jiova na Kalou ni nodra qase,
23era a lomavata na i soqosoqo taucoko me tomani na solevu me siga vitu tale. Era a cakava vakakina ena marau levu kei na reki.
24A solia o Esekaia na tui Juta vei ira na lewenivanua e 1,000 na bulumakau, kei na 7,000 na sipi. O ira na i vakalesilesi era a solia tale e 1,000 na bulumakau kei na 10,000 na sipi. Era a vakasavasavataki e vuqa na bete ena soqo oqo.
25Era sa marau na lewenivanua taucoko e Juta, o ira na bete kei na Livai, o ira ka ra lako mai na vualiku, kei ira na vulagi era sa vakaitikotiko tudei e Isireli vata kei Juta.
26A levu sara na reki kei na marau, ka ni se bera mada ni sa bau yaco vakadua e Jerusalemi na ka oqo me tekivu sara mai na gauna i Solomoni na tui, na luve i Tevita.
27Era a qai tucake na bete kei ira na Livai, ka vosa vakalougatataki ira na tamata, ka sa rogoci na domodra ki na nona i tikotiko savasava mai lomalagi na Kalou.
Who We AreWhat We EelieveWhat We Do
2025 by iamachristian.org,Inc All rights reserved.
