1Na tamata e sega ni bula veilasamaki kei ira na tani sa taleitaki koya taudua voli ga; ena sega ni duavata kei na veika era sa kaya na tamata kece ni sa dodonu.
2Na tamata yalowai sa sega ni bau kauwaitaka se sa bau kila e dua na ka se segai; na ka ga e gadreva sai koya me vakaraitaka na levu ni vuku sa tiko vua.
3E rau sa dau salavata voli ga na i valavala ca kei na madua. Ni o vakayalia na nomu dokai, ena kena i sosomi na beci.
4Na vosa ni gusu ni tamata sa vaka na wai titobu, ka sai vurevure ni vuku me vaka na wai drodro.
5E sega ni dodonu me da totaka na tamata cala, ka tarova na dodonu e nona na tamata yalododonu.
6Ni tekivutaka na veileti e dua na tamata lialia, sa vaqara tikoga me kanakuita.
7Ni vosa e dua na tamata yalowai, sa vakacacani koya ga vakai koya, ka sa na coko talega ena nona vosa.
8Sa ka kamikamica dina na kakase sa dua na ka na levu ni noda dau via tiloma!
9Na tamata vucesa e tautauvata ga kei na tamata sa dau vakarusa na ka.
10Na yaca i Jiova sa vaka na i drodro kaukauwa; era cici kina na yalododonu ka ra sa vakabulai.
11Ia o ira na tamata vutuniyau era sa nanuma ni sa taqomaki ira na nodra i yau, me vaka e dua na bai kaukauwa ka cere sa wavokita e dua na koro.
12Ena sega ni rawa ni dua e dokai ka vakavo ga kevaka sa yalo malumalumu taumada; na tamata dokadoka sa lako tikoga ki na sala ni rusa.
13Dau vakarorogo taumada ni o bera ni sauma na vosa. Kevaka e sega, o sa qai yalowai dina ga ka dau veivakacudrui.
14Na dei ni lomana se na nona lewa-e-loma na tamata ena vakabulai koya tiko ni sa tauvi mate; ia kevaka sa yali oqo, sa qai vakayalia vakadua kina na i otioti ni nona i nuinui.
15Na tamata vuku sa gadreva ka vakarau tu ga me vulica na ka.
16O gadreva li mo sota kei na dua na turaga dokai? Kauta vua e dua na i loloma, ni na vakarawarawataki kina.
17Sa dau rairai dodonu na tamata e dauvosa vakailiu ena mataveilewai me yacova ni sa tarogi koya e dua mai na i to kadua.
18Kevaka e rau sa veileti tiko e rua na tamata kaukauwa ena mataveilewai, ena rawa ni walia na nodrau leqa na vakawiri madigi.
19Vukea na tacimu ka na taqomaki iko o koya me vaka e dua na bainikoro kaukauwa, ia kevaka o veivala kaya, sa na sogota vei iko na nona katuba.
20E dodonu mo na lako curuma ena vosota na i sau ni veika kece o sa tukuna.
21Na veika o kaya ena rawa ni taqomaka na bula se vakarusa; sa dodonu kina mo ciqoma na veika cava ga o na sotava ena vuku ni veivosa eso o sa tukuna.
22O koya sa kunea na watina sa kunea na ka vinaka; sa vakaraitaki kina ni sa lomavinaka ko Jiova ki vua.
23Ni sa vosa na tamata dravudravua, sa ia ga ena vakamamasu; ia ni vosa e dua na vutuniyau, sa vosa kaukauwa ga.
24Eso na veitokani se veitau era dau sega soti sara ni dede, ia eso na i tokani era sa yalodina cake mai vei ira na mataveitacini.
Who We AreWhat We EelieveWhat We Do
2025 by iamachristian.org,Inc All rights reserved.
