1Ni vakacaucautaki Jiova!
Au na vakavinavinaka vei Jiova ena yaloqu taucoko,
Ena nodra soqoni na nona tamata.
2Sa uasivi dina na veika sa cakava ko Jiova!
O ira kece era taleitaka era gadreva me ra kila.
3Sa sinai na veika e cakava ena lagilagi kei na veika vakaturaga;
Sa sega ni mudu na nona loloma.
4Sa sega ni dau laiva ko Jiova me da guilecava
na nona cakacaka veivakurabuitaki,
Sa yalovinaka ga ka dauloloma o koya.
5Sa solia na kedra era rerevaki koya;
A sa sega ni guilecava o koya na nona veiyalayalati.
6Sa vakaraitaka o koya na nona kaukauwa vei ira na nona tamata
Ena nona solia vei ira na nodra vanua na kai tani.
7Sa yalodina ka dodonu o koya ena veika kecega e cakava;
Sa vakadinadinataki na nona veivakaro kecega.
8Era na tudei tu ga ka sega ni mudu
Era sa solia ena yalodina kei na yalododonu.
9Sa kauta mai na veivakabulai vei ira na nona tamata
Ka cakava e dua na veiyalayalati tawa mudu vata kei ira.
Sa yalosavasava ka qaqa o koya!
10Na sala ni vuku sai koya na rerevaki Jiova,
Era sa yalomatua o ira kecega era muria na nona i vakaro.
Me vakacaucautaki ga o koya ka sega ni mudu.
Who We AreWhat We EelieveWhat We Do
2025 by iamachristian.org,Inc All rights reserved.
