SAME 83 - Ai Vola Tabu Ena Vakavakadewa Vou（FNV）

A Masu ni Kere Veivuke ena Nodra Vakadrukai na Meca i IsireliA Sere. A Same i Esava.

1Kemuni na Kalou, mo ni kakua ni tiko lo;

Ni kakua ni vakanomodi se tu vakadua!

2Raica, era sa maue na nomuni meca,

Ka ra sa veisaqasaqa mai o ira era sa cati kemuni.

3Era sa tuva eso na vere vuni me ravuti ira na nomuni tamata;

Ka bosea na ka me vakaleqai kina o ira o ni sa taqomaka.

4Era sa tukuna, “Mai, me da mai vakawabokotaka na nodra matanitu,

Me kakua kina ni nanumi vakadua tale o Isireli.”

5Era sa lomavata ena ka era sa bosea;

Ka ra duavata me ra saqati kemuni:

6Oqo o ira na kai Itomi kei ira na luve i Isimeli;

Na kai Moapi kei ira na luve i Akiri;

7Na tamata mai Kipali, kei Amoni, kei Amaleki;

O ira na kai Filisitia kei Taia.

8Sa cokovata talega kei ira o Asiria

Me vakaukauwataki ira na kai Amoni kei Moapi,

ka ra kawa kece i Loti.

9Mo ni vakayacora vei ira na ka o ni a kitaka vei ira na kai Mitiani,

Me vaka o ni a kitaka vei Sisera kei Japini mai na uciwai o Kisoni.

10Era a vakarusai mai Edoa,

Ka sa vuca na yagodra e dela ni qele.

11Mo ni vakayacora ga vei ira na nodra i liuliu

na veika o ni a vakayacora vei rau o Orepi kei Siepi;

Me vakarusai kece na nodra i liuliu me vakataki Sepa kei Salimuna,

12o iratou ka kaya, “Tou na taura me nodatou

Na vanua sa vakarautaki me nona na Kalou.”

13Kemuni na Kalou, ni ceburaki ira me vaka na kuvu,

Me vaka na vu ni sila mamaca sa kauta yani na cagi.

14Me vaka na bukawaqa sa vakama na veikau,

Me vaka na yameyame ni buka sa vakacaudreva na veiulunivanua,

15mo ni cemuri ira laivi ena nomuni cava kaukauwa

Ka vakarerei ira ena nomuni cagi rerevaki.

16I Jiova, mo ni tabonaka na matadra ena madua,

Ka vakavuna me ra liaca na nomuni kaukauwa.

17Me ra vakadrukai ka loma taqaya me tawamudu;

Ka me ra mate ena dela ni madua levu.

18Ia me ra kila ni yacamuni ko Jiova,

O koya na ledua sa Cecere Sara e vuravura taucoko.