1Ia ni rogoca o tui Arati na kai Kenani, o koya ka vakaitikotiko ena ceva ni vanua o Kenani, ni ra sa lako tiko yani na Isireli ena sala vaka ki Acarimi, a sa qai valuti ira na Isireli ka kauta vakavesu eso vei ira. na nodra veikoro.”
3Sa rogoca ko Jiova na domodra na Isireli ka soli ira yani na kai Kenani ki ligadra; ka ra vakarusa sara na nodra veikoro; a mani vakatokai na vanua o ya me o Orima.Cakava o Mosese na Gata Parasa
4Era sa lako mai ena Ulunivanua o Ori ena sala vaka ki na Wasa Damudamu, me rawa kina ni ra lako wavokita na vanua o Itomi. Ia era sa yalolailai na tamata ena nodra lako voli.
6Sa qai talai ira na gata batigaga vei ira na tamata ko Jiova; era a katilaki ira na tamata, ka ra mani mate kina e lewe vuqa na Isireli.
7Era sa qai lako vei Mosese na Isireli, ka kaya, “Keimami sa cala ni keimami sa vosavakacacataki Jiova, kei iko talega; mo masuti Jiova mada me kauta tani mai vei keimami na gata.” A sa masulaki ira o Mosese.
8Sa qai kaya vei Mosese ko Jiova, “Mo cakava e dua na gata batigaga ka vesuka ki na dua na kau balavu, ia o ira kecega sa laukati, ni ra sa raica, era na bula.”
9Sa qai bulia e dua na gata parasa o Mosese, ka vesuka ki na dua na kau balavu; ia ni sa katia e dua na tamata na gata, me rai ga ki na gata parasa o ya me bula kina. me yacova sara ni keimami sa sivia na i yalayala ni nomu vanua.”
23Ia a sega ni vakadonui ira na Isireli o Sioni me ra curuma yani na nona vanua. A sa vakasoqoni ira kecega na nona tamata, ka la'ki vala kei ira na Isireli ena vanua lala. Ni sa yaco i Jeasa, a sa vala kei ira na Isireli.
24Ia o ira na Isireli era sa vakamatea e vuqa sara na meca ena i valu ka ra taukena na nodra vanua me vakatekivu mai na uciwai o Arinoni ena vualiku ni Japoki, o ya me yacovi ira na Amonaiti, baleta ni sa rui taqomaki vinaka na nodra i yalayala ni vanua na Amonaiti.
25Era sa taukena na veikoro kecega oqori o ira na Isireli; ka ra tawana talega na nodra veikoro na Amoraiti mai Esiponi kei na kena veikoro lalai.
26Ni sai Esiponi na koro turaga nei Sioni na nodra tui na Amoraiti, o koya ka a veivala kei tui Moapi e liu, ka kovea na nona vanua taucoko, me yaco sara ki Arinoni.
27Oqo era dau lagata kina na dauseretaka na i bole ka vaka:
Ni lako mai ki Esiponi, me vakaduri tale mada,
laiva me vakadeitaki na koro i Sioni.
28Ni lako mai Esiponi na bukawaqa,
na yameyame ni bukawaqa mai na koro i Sioni.
A kani Ari mai Moapi,
o iratou na turaga ni veiyasana cecere o Arinoni.
29Me nomu na leqa o iko Moapi!
O ni sa rusa, oi kemuni sa dauqaravi Kimosi!
Sa soli ira na luvena tagane me ra dro voli,
ka me ra bobula na luvena yalewa,
vei Sioni na nodra tui na Amoraiti.
30Ia oqo era sa vakarusai na nodra kawa,
Me tekivu mai Esiponi me yaco i Tiponi,
ka keimami sa rusa me yacova ni sa tete na kama i Meteva.
31Era sa tawana vakaoqo na nodra vanua na Amoraiti, o ira na Isireli.
32A qai tala o Mosese eso me ra yamata ki Jaseri; ka ra a kovea na kena veikoro lalai, ka vakasevi ira na Amoraiti era tiko kina.
Sa Vakadrukai o Oki na Tui Pasani33Era sa gole cake yani ena sala ki Pasani; a la'ki vala kei ira o Oki na tui Pasani, kei ira kece na nona tamata, ka ia na i valu mai Etirei.
34Sa qai kaya vei Mosese ko Jiova, Mo kakua ni rerevaki koya; ni'u sa soli koya ki na ligamu, vata kei ira na nona tamata kecega kei na nona vanua taucoko; ia mo kitaka vua me vaka o a kitaka vei Sioni na nodra tui na Amoraiti, o koya ka tui mai Esiponi.
35Era sa qai vakamatei Oki, kei iratou na luvena, kei ira na nona tamata kecega, ka sega ni vo bula e dua; ka ra sa mani taukena na vanua o ira na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
