5Era seretaka na veika talei o ni sa cakava o ira mai lomalagi
Era seretaka na nomuni yalodina, Jiova
6E sega ni dua mai lomalagi me vakataki kemuni Jiova
Ka sega talega ni dua vei ira na kalou me vakataki kemuni.
7O ni sa dokai ena nodra matabose na yalododonu
Ka rerevaki vakalevu sara mai vei ira kece era wavoliti kemuni
8I Jiova na Kalou ni lewevuqa,
Sa sega e dua me kaukauwa me vakataki kemuni;
O ni sa yalodina ena ka kecega i Jiova.
9O ni sa lewa na wasawasa cudrucudru;
O ni sa vakamaravutaka na kena ua.
10O ni sa vakarusai Reavi ka vakamatea,
Ka vakadrukai ira na nomuni meca ena ligamuni kaukauwa.
11Sa nomuni o lomalagi, sa nomuni talega o vuravura;
O ni sa bulia na vuravura kei na veika kecega sa tu kina.
12O ni a cakava na vualiku kei na ceva
Ka rau sere ena reki vei kemuni o Ului Tapori kei Ului Eremoni.
13Sa ka levu sara na nomuni kaukauwa!
Sa ka vakaitamera na nomuni qaqa!
14Sa yavutaki na nomuni matanitu ena yalosavasava kei na lewa dodonu.
Ka sa laurai na loloma tudei kei na yalodina ena ka kecega o ni cakava.
15Era sa kalougata na tamata era sa qaravi kemuni ena nodra laga sere,
O ira era tiko ena rarama ni nomuni yalovinaka.
16Era sa marau ena siga taucoko ena vukumuni
Ka vakacaucautaki kemuni ena vuku ni nomuni vinaka.
17O ni sa solia vei keimami na qaqa ena nomuni yalovinaka.
18Oi kemuni, i Jiova, o ni sa digitaka na neimami dauveitaqomaki,
Oi kemuni ga, na Kalou Yalosavasava i Isireli, sa solia na neimami tui.
Na Yalayala ni Kalou vei Tevita19Ena dua na raivotu ena dua na gauna makawa sara,
o ni a kaya kina vua na nomuni dauveiqaravi yalodina,
“Au sa vakatokara na i sala vakatui vua e dua na sotia rogo:
Au sa solia na i dabedabe vakatui vua e dua era sa digitaka na tamata.
20Au a sa digitaka na noqu tamata o Tevita;
Ka'u sa lumuti ena noqu i lumu tabu me nomuni tui.
21Ena tiko ga vua na noqu kaukauwa,
Ena vakaukauwataki koya na ligaqu.
22Era sa sega ni qaqa vua na kena meca,
Ka ra na sega ni vakadrukai koya na tamata ca.
23Au na mokuti ira na kena meca
Ka vakamatei ira kece era cati koya.
24Au na dau lomani koya tikoga ka yalodina vua;
Ka solia tikoga vua na qaqa.
25Au na vakalevutaka na nona matanitu
Me tekivu mai na Wasa Meditereni ka yacova na uciwai na Uferetisi.
26Ena kaya vei au o koya,
Sa i kemuni na tamaqu ka noqu Kalou!
Sa i kemuni o ni sa dau taqomaki au ka noqu i Vakabula!
27Au na lesi koya me noqu ulumatua tagane
Ka tui cecere duadua.
28Au na dau vakayacora tikoga na noqu veiyalayalati vua
Ka na tudei tikoga na neirau veiyalayalati ka sega ni mudu.
29Ena tui tikoga e dua na nona kawa,
Ka na tudei tikoga na nona matanitu, me vaka na maliwa lala.
30Ia kevaka era na talaidredre na nona kawa ki na noqu lewa
Ka sega ni vakayacora na noqu i vakaro,
31Kevaka era na beca na noqu i vakavuvuli
Ka sega ni vakayacora na noqu i vakaro,
32Au sa na totogitaki ira ena vuku ni nodra i valavala ca,
Ka'u na vakanakuitataki ira ena vuku ni nodra caka cala.
33Ia ena sega ni mudu na noqu lomani Tevita
Se me'u na sega ni cakava na noqu vosa ni yalayala vua.
34Au na sega ni voroka na noqu veiyalayalati vata kei koya,
Se me'u vakasuka wale ga e dua na ka au a yalataka.
35Au sa dau bubului vakadua ga ena vuku ni yacaqu tabu;
Au na sega sara ni lasu vei Tevita!
36Ena sega sara ni kawaboko na nona kawa
Ka na vaka na matanisiga na nona i dabedabe vakatui e mataqu.
37Ena tudei tikoga me vaka na vula
Me vaka na i vakadinadina yalodina ena maliwa lala.”
Na Tagicaki ni Nona Vakadrukai na Tui38Ia o ni sa cudruva na nomuni tui digitaki;
O ni sa biuti koya ka cata.
39O ni sa voroka na nomuni veiyalayalati kei na nomuni tamata;
Ka viritaka na nona i sala vakatui ki na soso.
40O ni sa vorolaka sobu na bainikoro;
Ka laiva tu me rusa na nona bainivalu.
41O ira kece era lako kina era sa butakoca na nona i yau;
Ka ra sa vakalialiai koya kecega na wekana.
42O ni sa solia na qaqa vei ira na kena meca;
Ka vakavuna me ra marau kecega.
43O ni sa vakatawayagataka na nona i yaragi;
Ka laiva me vakadrukai ena i valu.
44O ni sa kauta tani na nona i titoko vakatui;
Ka kolotaka na nona i tikotiko vakaturaga ki na qele.
45O ni sa vakavuna me qase ni se bera na kena gauna;
Ka solegi koya ena madua.
A Masu ni Veisereki46I Jiova, O ni na vunitaki kemuni tikoga li ka tawamudu?
A cava na dede ni nomuni na cudru kaukauwa tikoga me vaka na buka?
47Ni nanuma na kena rui lekaleka ga na noqu bula;
Ni nanuma ni o ni sa bulia na tamata kecega
me ra bula vakaiyalayala ga!
48O cei ena rawa ni bula tikoga ka sega vakadua ni mate?
Ena tarova rawa vakacava na tamata me kakua ni lako ki na i bulubulu?
49Kemuni na Turaga, sa evei na i vakadinadina ni nomuni loloma?
Sa evei na nomuni vosa ni yalayala o ni a cakava vei Tevita?
50Ni kakua ni guilecava na noqu vakacacani, oi au na nomuni tamata;
Na noqu vosota na nodra veivakacacani kece
o ira era sa sega ni kilai kemuni.
51I Jiova, era sa vosavakacacataki koya na nomuni tui digitaki
o ira na kemuni meca!
Era sa vosa vakacacani koya ena vanua kecega sa lako kina.
52Me vakacaucautaki ko Jiova ka sega ni mudu!
Emeni! Emeni!
Who We AreWhat We EelieveWhat We Do
2025 by iamachristian.org,Inc All rights reserved.
