1
Sa sinai na vuravura ena nona lagilagi.”
4 Vtaki 15.8 Na vadugu ni domodra sa yavalata na yavu ni Valenisoro ka sa sinai na Valenisoro ena kubou.
5Au a qai kaya, “Sa sega na ka au vakanuinui kina! Sa na yacovi au na veika ca. Au sa tamata tebe ni gusu qeleqelewa, ka'u sa tiko talega kei ira na tamata i valavala ca ka dukadukali. Ia oqo au sa raica ena mataqu dina na Tui, ko Jiova ni lewevuqa!”
6Sa qai vuka mai vei au e dua vei ira na ka bula sa caudre tu ena yameyame ni buka ka kauta mai e dua na qilaiso sa waqa tu mai na i cabocabonisoro ka taura mai ena i saga ni buka.
7A vakaterega na qilaiso waqa ki na tebe ni gusuqu ka kaya, “Raica sa terega na tebe ni gusumu na qilaiso waqa oqo, ka sa takali kina na nomu dukadukali ka bokoci na nomu i valavala ca.”
8Au a qai rogoca na domo ni Turaga ni a kaya, “O cei beka me'u tala? O cei me na lako ena vuku i keitou?”
Au a qai kaya, “Oi au oqo! Mo ni talai au.”
9 Maciu 13.14,15; Mari 4.12; Luke 8.10; Joni 12.40; Caka 28.26,27 Sa qai tukuna vei au me'u lako ka la'ki tukuna vei ira na tamata na i tukutuku oqo, “Veitalia ga na levu ni nomuni vakarorogo, o ni na sega ga ni kila rawa. Veitalia ga na levu ni nomuni raica, o ni na sega ni kila na ka sa yaco tiko.”
10Ia sa qai kaya vei au na Turaga, “Vakagogotaka na nodra vakasama na tamata oqo, ka vakadidivarataka na daligadra, ka vakamatabokotaka na matadra, me ra kakua kina ni rai rawa, se rogo rawa se kila rawa; de ra na qai vuki lesu mai vei au ka vakabulai.”
11Au sa qai taroga, “Kemuni na Turaga, ena vakacava soti na kena dede?”
A sauma lesu ka kaya:
“Me yacova ni ra sa vakacacani na veikoro lelevu
Ka sa lala ni sega na kedra i vakatawa,
Ka sega na tamata e loma ni veivale,
Ka vakaleqai na vanua;
12Me yacova ni sa kauti ira vakayawa sara na tamata ko Jiova,
Ka sivia na vanua lala e loma ni vanua.
13Kevaka e dua na i katini e vo tiko,
Ena vakarusai talega;
Ia me vaka na oki,
Ena duri tu ga na kena dulumi
Ni sa musu na kau.
Era na cava bula vakakina eso na noqu digitaki.
Who We AreWhat We EelieveWhat We Do
2025 by iamachristian.org,Inc All rights reserved.
