1 me vaka na kuvu ni soso,
Ka sa kabi na yamequ ki na gadroqu.
O ni sa laivi au me'u mate ena soso.
16Era sa wavokiti au e dua na i lala tamata ca;
Era sa toro volekati au me vaka e dua na i lala koli,
Ka ra sa coka na ligaqu kei na yavaqu.
17Sa rawa me laurai kece na suiqu.
Era sa vakaraici au ka wanonovi au na kequ meca;
18 Maciu 27.35; Mari 15.24; Luke 23.34; Joni 19.24 Era sa wasea ga vei ira na noqu i sulu,
Ka vakawirimadigitaka na noqu i ubi balavu.
19Kemuni Jiova ni kakua ni yawa tani mai vei au.
Ni totolo mai vei au na noqu i vakabula ka mai vakabulai au.
20Ni vakabulai au mai na i seleiwau,
Ni maroroya na noqu bula mai vei ira na koli oqo.
21Ni vakabulai au mai vei ira na laione oqo;
Au sa sega ni cakava rawa e dua na ka
ena matadra na bulumakau kila oqo.
22 Ipe 2.12 Au na tukuna vei ira na wekaqu na ka o ni sa cakava,
Ka'u na vakacaucautaki kemuni ena nodra soqoni.
23“Oi kemuni sa rerevaki Jiova, ni vakacaucautaki koya!
Ni rokovi koya, oi kemuni na kawa i Jekope!
Ni sokalou vua, oi kemuni na Isireli!
24Sa sega ni dau guilecavi ira na dravudravua o koya
se vakawaletaka na nodra vakararawataki;
Sa sega ni dau vuki tani mai vei ira o koya,
Ia, sa dau rogoci ira ga ni ra sa kere veivuke vua.”
25Au na vakacaucautaki kemuni vei ira na i vavakoso levu
ena vuku ni veika o ni sa vakayacora.
Au na vakacabora vei kemuni na i soro kece au sa yalataka
Ena matadra kece era sa dau talairawarawa vei kemuni.
26Era na kania na dravudravua na levu ga ni ka era via kania.
O ira era lako mai vei Jiova era na vakacaucautaki koya.
Mo ni tiko vinaka tikoga ka tawa mudu!
27Na veimatanitu kece era na nanumi Jiova;
Era na gole mai vua na veiyasa i vuravura kecega,
Era na qaravi koya kecega na veimatatamata.
28Sa i Jiova na Tui,
Ka sa lewa na veimatanitu kecega.
29Era na cuva vua na tamata viavialevu kece sara,
Ka vakarokoroko vua na ka kecega era na lesu tale ki na qele.
30Era na qaravi koya na veitabatamata e muri,
Era na dau tukuna na veika e baleta na Turaga
ki na veitabatamata era na muri mai.
31O ira na tamata era se bera ni sucu ena tukuni vei ira,
“Sa vakabulai ira na nona tamata na Turaga.”
Who We AreWhat We EelieveWhat We Do
2025 by iamachristian.org,Inc All rights reserved.
